ديوان الشاعر(علي بن عيد البشري)

حفيد الحجيري=
بالله من شافلي بن عيد=غيابـه اليـوم متكـرر
الشاعر الفارس الصنديد=فغيابه الشعـر متضـرر
لنكان في خير ذا ما نْريد=دوماً عسا الحال متقـرر
من هاجسٍ شوفته له عيد=وبحضوره الهم متحـرر
علي عيد البشري =
ياحرف زاهم لنا ويشيـد=جمك عسل ذوق مايمـرر
شاعر ولامن حضرت تفيد=فالشعرلك شـان ومقـرر
اما ابن عيـد بالتحديـد=دايـم حراويـه ماتغـرر
لكن ضروف الزمان تحيد=المرء0 له عذر ومبـرر
حفيد الحجيري=
تكميل و حضورك التأكيـد=إنّ الوفـا معـك متسـرر
والآن تفصيـل للتمهـيـد=أبغى هدف منـك متمـرر
وشلون نجمع سعد و سعيد؟؟=و نردم سقِفْ بيت متخـرر
عجلّ بجابتك يابـو زيـد=يا من لك الخـط متحـرر
علي عيد البشري =
درب الوفاء معتلي ومشيد=من عهد سابق ولايفـرر
من كان عنده لياقه يجيد=يصيب الاهداف ويحـرر
ولاوفق الله فهد وفهيـد=ماينجرح سلـك ويشّـرر
اعطيتها جآبتـي تسديـد=وتحررتلـك يامضطّـرر

ياود يجري فشرياني = مع دورت الد م والنبضات
اصبح ملازم لوجداني = ماغاب لحظه من الحظات

[/quote]

مراسله : في 17/ 8 / 1416 هجري

عبد العزبز باثابت =
لي قلب تعبان حالاته = افراح ساعه وحزنه دوم
دايم على الخد دمعاته = عايش حياته آسى وهموم
مانال قصده وغاياته = الحظ دايم معه محروم
مدري متى يشوف راحاته = ويصير له الفرح مقسوم
علي عيد البشري=
القلب له راي من ذاته = مادام فيه الهوى بيحوم
ابحث عن علاج آهاته = ياكم قلب "ن" كذا مسقوم
خل البخت دوم هقواته = هاذي وصول الحياه عموم
واطلب من الله رداته = يفرج الهم للمكضوم

يوم الغضي لد بعيونه = بث الخطر في صميم الروح
امسيت في شعور مجنونه = اقفى وانا بالسهم مطروح

[/quote]

والله ماكان في بالي = الروح انته بتملكها
وتبدل المر بالحالي = والنفس تلقى مطالبها

جهزت للقلب مطلوبه = وكل ماطلب شي لبيناه
اطفيت نيران مشبوبه = تحرق جميع الذي تلقاه
نسي الأسى وعاد لنشوبه = يرجي لعله ينال مناه
عند الذي تاه بدروبه = اللي نوى حرقته واجفاه

وليف الشوق=
سـلام للي رفيع الذوق = عالي مقامـه وتـقديـره
عطني افاده عن المنطوق = اللي صدر لك بتقريره
جوي معي يا علي مايروق =كل ساع يزداد تعكيـره
البعض جوه طلعبه فوق = ماشاف فـي يـوم تكـديـره
علي عيد البشري=
ترحيب ماله مثـل مسبـوق = راقـي مـقامـه وتوقـيـره
يامـن جوابه لفاني سوق = من رجل له فالوفاء سيرة
عادات الايام فيهـا فـروق = لابـــد تــاتــي بــتــدويـــره
كلن لقي في حياته عوق = ولا يـدوم هانـي ولا غـيـره

علي عيد البشري =
عامين طافت وهاذا عام = والقلب عنده امل يهنا
امظيتها مصدق الاوهام = وان السعد ساعته جتنا
لكنها بدلت باسقام = حام العضى وكف خطوتنا
كيف التقي بالخبير العام = من خبرته يحل شكوتنا
فايز المحيسن =
حث الخُطـا والوعد قدام = احروفكم غـصب حدتـنا
لنك في سوق الغلآ سوام = خطوتك طابة لخطوتـنـا
بيّن ووضح لحـم وعـظـام = مـن شـان نرسـل نصيحتنـا
وان كان تبغا على الاحكام = بالشرع نشــرع شريـعـتـنـا
علي عيد البشري =
انا لـهـاذا الامـر مقـدام = والايخالـف السـير عادتـنـا
سـوق الغـلآ جيـت ياهـمـام = ولقـيت انافـيه رغبـتـنا
كـيـف اتـقـاوى مــن الايــام = هدت بـنانـا وهــدتـنـا
حتى فقدت فالمصير اعوام = وفـيـهــا فـقدنا سعادتـنا
فايز المحيسن =
لاشـك انتـه جويـد حزام = ماتختلف فيـك هقوتـنا
والان واجب علّي اللـزام = اللـزام نـرسل أفـادتــنــا
خلك على ضروفكم عزام = الصـبر مـادون طـاقـتــنـا
والهم يـاصاحبـي مـــــادام = دورات الايــام سدتـنــا
حكم القدر تـام يعني تــام = نـقـنـع وتـقـنـع قـناعنـتـا
هـذا بما نصه الاســـلام = وديـانـتــك مــن ديـانــتــنـا

من صد واقفى بدون اسباب = لاتشقي الروح من بعده
مادامت انه ماصف حساب = للود 0انساه لاتعده

علي عيد البشري =
يـاتـركــي الان بـاصـرنـي = وابغى إجابه على ماريد
ســـؤال والـفـكـر حيــرنـي = عساك بعد السماع تفيد
تركي البشري=
خالي على الروح تـامرني = ولا تـردني عن مداك البيد
أنا علـى مـانـت خابـرني = منصت لك السمع يابن عيد
علي عيد البشري =
اللي عطا ود وأسرني = واصبحت سيده وهو لي سيد
لكنه اليوم هاجرني = ولا بدالي اسباب بالتحديد
تركي البشري=
لا شك وضعك محيرني = وقدام حالك معاك يزيد
عني.. فذا شيء يجبرني = اقول زيد المواصل زيد