ديوان الشاعر ( فهد احمد اليوبي )

من كثر ماني افكر فيك = ياللي تملكت وجداني
ودي عن الناس لو اخفيك = بين الهدب داخل اعياني

ان تبت لا تنقض التوبه = ودرب الهدايه عنه لاتصد
ابعد عن الحب ودروبه = ودينك عليه النواجذ شد

سوال لاهل الهواء مخصوص = والمعتزل لايجي رده
من حب واجب عليه يغوص ؟ = والابنظرات وتسده

من دم قلبي ودمع العين = وحسرتي اه واغبني
اللي بنيناه في عامين = فجهه انهدم صرحه المبني

لو نعلم اللي لنا مكتوب = ماكان عشنا الفرح ساعه
بحكمه وعنا القدر محجوب = حتى نتسابق على الطاعه

باب (ن) قفلناه من مده = ويش رجعك تفتحه ثاني
منا ابد ماتجي رده = اقنع وانا منك قنعاني

من بعد نظرة عيوني فيك = أستسلم القلب لاعيونك
وكل الدفى لاحتوتني ايديك = بلسم على قلب مضنونك

اموت واعرف سبب ودك = ويش مكنه داخل اعماقي
لابان حبك ولاصدك = هذا الذي حس خفاقي

راحت حياتي بلا جدوى = غير الاسئ داخلي ملتم
حتى الذي كان به رجوى = غافل وبلي حصل مهتم

تنظر ولاترد يامقساك = علي وانا انتظر ردك
اسير في حبكم وهداك = قلبه عسى يحتوي ودك