ديوان الشاعر(بخيتان البشري)

زويد =
طــرفــي عــلــى مـاتـسـبـب فــيــه = باسباب ظبي الفلا فالسوق
اش من جزا يستحـق يكفيـه = والـقـلــب مــمــا شــكــاه يـــــروق
بخيتان =
عــنــدي دوا لـلـنـظـر يـشـفـيــه = غــض البـصـر والـفــؤاد يـفــوق
كـم حـي طـرف الغـضـي يرمـيـه = ويطـعـم مــرار الـهــوى ويـــذوق

بخيتان البشري =
حسب المراسيم والتوجيه = هل كل ماكان يتغير
والا المعازيم ماتنويه = عكس الذي بان تتخير
حرب =
هـذاك لـوراح وش بيـديـه = طرقي على الديـره مسيـر
لكن ترى الحال مايسويه = إلا الـــذي لأمـرنــا مـسـيـر

ماهر ابو خالد =
لو هزك الشوق يابخيتان = ظاهر فالاعياد او خافي
العودّ في مضيفة رحمان = عنده كرم عنكم ضافي
ارحم من البعد للولهان = مايبات من يكرمه حافي
ابلغ من العيد يلقى جنان = نعيم عن عيدكم كافي
بخيتان البشري =
وآساني اللي من الاخوان = ماهر ولد عايد الوافي
عنا غني مع رفيع الشان = ميقن ومؤمن ولا اجافي
لكنها شعور فالانسان = يبدو لنا جمرها طافي
وفي لمة الاهل والصدقان = دمعي بها يكشف الخافي

تم الشهر والشهر لا تم = من غير لا اسمعك لااشوفك
تقلب معي دنيتي مأتم = وتصعب ظروفي على ظروفك

يبقى الذي داخلك ناقع = من جور الاحزان 0في بالي
المشهد إن طال لا تاقع = من واقع الحال ياحالي

لو كان بعض العرب شدت = يبقى لهم بالوفا ميصال
مهما الليالي بهم شدت = وشفنا عليهم قساها طال

حسبي على رحلة الحرمان = ودي سرتبه في ليل اظلم
ماوده يفارق بخيتان = لكن الاقدار ماترحم

يادمع خلك معي محدود = لاتضيع بك كامل جهودي
في مشهد الكل به مشهود = وتجرح جسد روح بوجودي

وآشيب عيني من الايام = وآشيبها من فعايلها
سوت سوايا في هذا العام = والهم ابسط جمايلها

كل القبايل تعزي حرب = فاللي حمى الماقف ازماني
مبروك ابوناب راح بدرب = صياف بالامس ياخواني
يالله تغفرلهم يارب = وفالخلد يلقون مسكاني
شرق وشمال وجنوب وغرب = ينعون فقيدها الثاني