ديوان الشاعر(علي بن عيد البشري)

بين الملاشفت لي مخلوق = والقلب رنت له اوتاره
كل الحلا حايزه والذوق = اللي سلب قلب مختاره
مثل القمر لاتعلا فوق = با لطرف عبر عن اسراره
روح وخلف وراه حروق = ومنه الهواجيس محتاره

ابوفرح =
اعداد مافالمـزون يـرف = براقهـا مـع مخايلـهـا
سلام وانته من اهل العرف = اللـي تنومـس فعايلهـا
ياصاحبي ماغفالي طـرف = من يـوم شفنـا دلايلهـا
هي المحبه مثايل حـرف = والا خفـيّـه رسايلـهـا
ابوعيد =
اعداد ماثورت من زرف = واعداد ماسال سايلها
ترحيب غالي ثمين الصرف = يامن صداقتك شايلها
منها أشتكى قيس اصعب ظرف = وعنتر بكى من هوايلها
اصل المحبه سلايل ترف = فالذات تكمن سلايلها

[/quote]

عنيتة الله حمدان البشري =
ياصاحبي الروح شقيانه = عطني إفاده عن الاسباب
العيد قرب لصدقانه = وانا الذي خاطري ماطاب
خلي غدرني بهجرانه = حتى الرسائل لها ماجاب
والقلب زادة به أحزانه = باسباب من لاحسب له حساب
علي عيد البشري =
لجل الصداقه لها خانه = مابيننا ببتدي بعتاب
سلامكم وين عنوانه = اللي عليه البشر بتثاب
ياطالب الراي ورسانه = مع الايفاده لها طلاب
انصحك كبه في طغيانه = ومثلك لمثله يصك الباب

بخيتان البشري =
بالله يابن عيد وش رايك = آخر فتاوي لنـا طلعـت
لو كنت رجـال بعيالـك = ترضع لها ديدها جـازت
من شان مايحرم وصالك = وتصير محرم لمن حرمت
هل كان يطري على بالك = يفتي بها شيخنا رفعـت
علي عيد البشري=
بعد اطلاعي في مرسالك = تسلم يمينك لنا خطت
اقول فال الله ولافالك = من علم به اعلامنا ذاعت
بعد الرضاعه لهم سالك = بندو ولدهم اخو مدحت
احتارت الناس أمثا لك = فتواه فالدين ماصحت

دخلت قلبي واخذته لك = ولاعاد ليه تصرف فيه
من يوم طرفي لمح نظرتك =ماعاد يرجع ولو تعفيه

باطلق قمرفا الفضاجوال = مخصوص لهل الهواء بثه
الله يافي الزمان اهوال = بانفق على البعد واجتثه

رامي رما يم مرمايه = هز القوايم وكاد يصيب
ضيع رجايه ومسعايه = اللي منول على الترتيب

زااد الغلا في فوادي زااد = فوق الغلا زاد مغليكم
اطفى لهيب الحشى واقاد = محتار ياكيف يرظكم

بخيتان البشري =
ترحيب يسبق سلامك لي = ولا بخسره كان ماسلمت
دام الوفاء فوق متعلي = لك ياعلي بالوفا علمت
علي عيد البشري =
سلام فوق الحجى مطلي = على البقى يمكم ولمت
طيب النبا يزيد ما يقلي = لبيه من يوم ماكلمت
بخيتان البشري =
ياساس للطيب ما اختلي = ياحرف رائع به اتعلمت
شفت الجفا اليوم من خلي = من زود جوره آسى اتألمت
علي عيد البشري =
قلي وش الي حصل قلي = عن مابكم من آسى اعلمت
عن محتوى الوضع فصلي = وتسمع لشوري ليا اتممت
بخيتان البشري =
فجأة قلبّ وانقلب كلي = واقفى انينه يجر الصمت
لازلت جاهل بماحلي = ودونه جيوش الشكوك اعدمت
علي عيد البشري =
ساير ولاتقطع الوصلي = دام الحكي مابعد قاسمت
يمكن معه تلتقي حلي = ولابان منه الحكي لايمت

ذقنا مرار الهواء مرات = ياكم مـــره تجرعنا
أحليّ المُر بالونات = للي مضا لاترجعنا