ديوان الشاعر(بخيتان البشري)

ودّي قبل جيّتك ودي = حلو خلاف الهوى والود
مابينهم0 ودك و ودي = وعادوا على مانبى وتود

يامصعب الود ودروبه = اللي لها فالعمر بصمات
لو الفتى داخله دوبه = يشيب راسه من اللوعات

إن جيت للعقل والمعقول = الشعب فاهمك مايعتاز
خلوك تبني على المجهول = وتظهر على شاشة التلفاز

صفو سرايا وصف الجيش = جيش الذي غير خابرهم
وصفو بعد قادته قد ايش = وصفوّه صفت من مثابرهم

ليله بها الأُنس متواجد = واشعل شموع الفرح فيها
واحيا الهنا جوها السايد = على هوى ود لافيها

لا يا هنايه في يوم الامس = اللي بقى لا نهار اليوم
بكره ياكيف التقيلك شمس = وانته في بحر الوداع تعوم

آه اشتكي من جفا ذاتي = ذاتي جفاه اشتكيه لمن
كل ما طرق باب لآهاتي = سده فؤادي في قيده ون

البدع من بخيتان =
ســلام يامُشرف الـكـسـره = يامشرّف الشعر وادآبه
كيف الزمن ينجبر كسره = حـتـى نعيـشـه ونهنـابـه
الرد من حفيد الحجيري =
يا مرحبا بكايد العسره=فالشعر ما تعسرك جابه
والوقت لا تحتكم لأسره=عزم الفتى يجبر مصابه

بخيتان البشري=
سلام مخصوص يابن عيد = طيبه مجرد لك سيوفه
وإن شفت طيبه معك تهديد = ترحيب طيبك به نشوفه
علي عيد البشري =
بترحيب طيب السلام أعيد = طيبه وتقراه في كشوفه
والحال مايحتمل تمديد = يامن لنا خصص حروفه
بخيتان البشري=
سيد الوفا سيده لك سيد = معروف والعرف معروفه
اشكي وشكواي بالتحديد = توصف لك الحال ووصوفه
علي عيد البشري =
ياذخر الاحرار بالتاكيد = اهل الوفا وانتم ضيوفه
للمشتكي بجتهد وافيد = حسب الذي ينص مظروفه
بخيتان البشري=
حال الذي حالته تعقيد = عن مايبا تشغل ظروفه
شاب العمر والمشيب يزيد = يقاسي الوقت وصدوفه
علي عيد البشري =
منته لحالك شكاها زيد = وعبيد0 عانو من جحوفه
الوقت0 ماهو على مايريد = المرء0لوانهك اكتوفه

بالمستوى كامل الدوره = ابدع وقالت وكالة واس
الأفضل بفكره ودوره =وخوض النهائي عليه يقاس
ومن كورة اقدام معذوره = جابت هدف بأفضل الحراس
اخطا في تشتيتها الكوره = وفاز الخصم والفريق انحاس
ياهل ترى كيف جمهوره = يبررون الخطا للناس
ام تصبح ارواح مقهوره = بالظن والشك والوسواس