ديوان الشاعر حمدان الوافي المحمدي ( عاشق الاصاله )

الورد انت الذي تهدي = من قاله الورد يهدالك
من شافكم ماعتقد يهدي = مانته بشر لايتهيئألك

وين الذي كان يطربنـا=ويرسل علينا عبير الورد
خـلاص قفـوا احبتنـا =ليه الهجر والجفا والصد

ماجيتني ليـه وش خـلاك=يـوم المخاليـق زارتنـي
مايغفل القلب عن طريـاك=شوف فرقتك كيف سوت بي

ورد البساتين بغصونـه=لاجيتله ينحنيلك شـوق
الورد لجلك يغرسونـه=انت مليك الحسن والذوق

كلك حلى والحلى ينسـاب=ياويل قلبي مـن عيونـك
مره رأيتك وراسي شـاب=ياكيف أنا أعيش من دونك
حطوا كفن لي فالـدولاب=إن مت ربعـي بيلفونـك
كل شيء قدره وله اسباب=وإن عشت سجلني مجنونك

انتي رحلتي وهجرتينـي=وأمسيت ثوب الحزن لابس
النـاس جتنـي تواسينـي=عنها دموع الاساء حابس

تدري غلاكم يساوي كـم=انت النظر داخل عيوني
وشريان فالقلب يوصل دم=دنياي انته و مضنونـي

وعيني الي طرفها فن=تمايل الفـن وعماهـا
قالوا هل الطب مايشفن=اعلاجها من تبلواهـا

ودي اقطف الورد من امه=ياصاحب الورد ماتهديـه
ماذيه بـس ودي اشمـه=لان قلبـي مولـع فيـه
ولى اخذ الغصن وخمـه=بيدي لنه عطش اسقيـه
راضي انا بشوكه وسمه=غيره من الورد ما نبغيه

ودي اقطف الورد من امه=ياصاحب الورد ماتهديـه
ماذيه بـس ودي اشمـه=لان قلبـي مولـع فيـه
ولى اخذ الغصن وخمـه=بيدي لنه عطش اسقيـه
راضي انا بشوكه وسمه=غيره من الورد ما نبغيه