ديوان كسرات الشاعر (عماد القرافي)

هذا
وانا
في انتظار
ان ينادوا
على اسمي
بالعياده عند الدكتووور
(( رايت ما رايت))



فجااادت القريحه بهذه

نظرات من حسنها خفّيت=سرت لقلبي مع عيونـي
صابت شعوري ولاحسّيت=إلا السساتـر ينادونـي

مكسور يعطي ثقه واثق = واللي فقد شي ما يعطيه
من قالها ما طلع صادق؟ = شفني مُحطّم واعزّز فيه

بغسل يديني وانفّضها = في وجه من يعشق التحقير
وافتح ملفات واعرضها = وانظر له بنظرة التصغير

الحرف يا حبيّبي يغرف=من داخلي زبدة احساسي
ناظر بما يحتوي تعرف=إنك معايه كما انفاسـي

طفلٍ صغيرٍ بدى يكبـر=في ذات منهو نسى ذاته
ضيّع كبيرٍ بدى يصغر=لا جات بالقلب لوعاته

تعاونو كيف ينهونـي=قلبي وذاك الذي جـواه
الخِل يجمع من حزوني=والقلب راضي ولا ينهاه

أُبـرك علـى همـي وذكّيـه=وارسم بدمه شروق الشمـس
حتى لا جاه الزعـل يرثيـه .=والخمس يضرب بها عالخمس

جمره بقلبي احسّبهـا=بتنطفي بعد ما شبّـت
اثرها تِسعـر لهايبهـا=كل ما هبوب الجفا هبّت

اليوم عيني بدت ترتاح=وتلحّفت ما عليها منك
وبحلمها شافت الافراح=يوم القدر بالثرى يدفنك

تجتاحني ثورة الاحزان=واحتاج لك كل ما ثارت
لجل العزيمه تريد انسان=يوقف معاها اذا انهارت