ديوان الشاعر عبدالعزيز الزويهري

البُعد خلّف جفا و صـدود=وعشنا في زمانه بدوّامـه
مدري زمان الصفا بيعـود=و الا ّ قضى و أقفت أيامه ؟
مادام فوق الوجود يجـود=البعـد لاتشكـي اسقامـه
وان كان حبل الصفا ممدود=لابد يحصـل لـك ليامـه
مهما يعاني أسى وجحـود=ويزيـد همـه وألامــه
لازال ياصاحبـي موجـود=شامخ . على . مَر أعوامه

حرمت نفسي عشان أرضيك=و حملتهـا فـوق طاقتهـا
ما همنـي عاذلينـي فيـك=لجلـك عناهـا و غايتهـا

يا ليتنـي أملـك السلطـه=و أحكم على الناس و أنفيها
حرام ندفـع ثمـن غلطـه=انـت و أنـا مالنـا فيهـا

سـلام نبـدابـه القـالـه=ينصى هل العرف و القانون
قّـدام لا نشـرح الحـالـه=سـلام للـي لنـا يوفـون
ترحيـب يرويـك همـالـه=و الكيل وافي و لك موزون
اكتب و حرر لنـا رسالـه=فيها الهدف كامل المضمون
عسى البقا يا هـل الطالـه=و ياليتكـم عننـا تـدرون
القلب لـو نشكـي اهوالـه=يظلم في عيني جمال الكون
الغيب لـو نـدري احوالـه=ما كان يا صاحبي تشكـون
هيا ابتـدي قـول موالـه=لعـل قلبـك عليـه ديـون
لي قلب صابر على اشكاله=مجروح و الدمع شاب النون
يا آه ما جيـت فـي بالـه=فوق الاسى بالهجر يقسون
يا صاح لا تقبـل اهمالـه=لابد توصل لهـم عربـون
و العيـد لا تسبـق هلالـه=كمل صيامك كما المسنـون
سنيـن و آنـا اتهيـالـه=يرفق على خافقي المحزون
وش عاد من روح تصفاله=تهون عنـده 100 مليـون
المال ما يوصـل وصالـه=يا ليت من روحكم تعطـون
وان كان ودك على اقبالـه=لابد فـي طبعهـم تقـرون
غريب الاطوار فـي افعالـه=جميع الالوان عنـده لـون
اللي شكـى هـم غربالـه=يا كيف في معالجه تسعون
البحـر لا مـاج بنكـالـه=اخفض شراعك لحين يهون
ولابـد جـوك بيصفـالـه=لاكنت كاتـب لمـا يملـون

لا شفت نوره يزين الكون=و يزين للعيـن نظرتهـا
و أشوف ذاك القمر مركون=خجلان من نور حضرتهـا

وحيد و الناس مجتمعه=و الكل لاهي عن أحزاني
في موقفي طاحت الدمعه=أبكي على قلب بكانـي

خلاص ما فات يقنعنـي=صفحات الايام بطويهـا
بأنساك و أرجاك تعذرني=النفس ما عاد يمديهـا

عيني و قلبي و كل اعضاي=تعانقـوا مـع صميـم الآه
خاواني الدمع في ممشـاي=من يوم قالـوا فمـان الله
احفظ عهوده و هذا امضـاي=الـود قاتـلـك وا شـكـواه
و ان كنت تمشي بشور و راي=حاول في وصله و عد خطـاه

غلبني الشوق في غيابـك=و الشوق ما يرحم العشاق
أصبحت من جملة أسبابك=أنام و أصحى و أنا مشتاق

سلااااااااااااااام يا أصحااااااااااااااابنا


سبق و ان طرح شاعرنا القدير و الخلوق .. ماهر ابو خالد

أثناء اجتماعنا بالأمس القريب هذه الكسرة

و هي موجهه لكاتب الموضوع و ابو محمد و فواز

و علما ً بأن هذه المراديد لم تصل الى ابو خالد

لأننا أردناها ان تأتي هكذا ... و لتعذرنا يا أبو خالد على التأخير


و يقول ابو خالد

مـا دام جيتـوا ثلاثتكـم=و في حسبتي كلكم شعـار
وش هي علامات رايتكـم=في عين من يجهل الشطار
نظرة عقـل مـا تعدَّتكـم=والعفو من عالي المقـدار
لكن لها حـدود وجهتكـم=بعقول فوق النفوس كبـار
من قبل نسمـع اشادتكـم=للحرف مصرف و له مقدار
و نغلق حـروف شابتكـم=و ليل الجهل نكشفه بأنوار
ما أظن يخفـي سعادتكـم=في كل ماقف لنا محضـار
و تاريخ سطّـر عبارتكـم=يحفظ لنا كامل المشـوار