ديوان الشاعر ( حفيد الحجيري )

يا طير أبرسلك برسالـه=تحمل سلامي وفحواهـا
يا ينعش القلب بوصالـه=يا يردّ روحي على عضاها

لي عام وآنا أشتكي و آون=و أصبر على المر و أستنّا
مدري علينا متى بيحـن=اللي من العـام ساكنّـا

ليّا عتب والعتـب مرفـوع=بين الأحبّه على مـا قيـل
لكـنّ لا تقـرب الممنـوع=لا تحطّ فالسالفـه وتشيـل
مدّ الوفـا عندنـا مربـوع=وأنتم بعد عـزوة التكميـل
وان كان به لبس فالموضوع=اللبس يجلى مـع التحليـل

يا .. مساهر النجـم .. وش نابـك=غير .. الشقا .. غيـر زود بكـاك
ما أخطأك .. لم يكـن .. صابـك=ما صابك .. إلاّ اللذي .. ما أخطاك

اِذا الأمـل عاكـس الـواقـع=في شـارع الصبـر لـه دوّار
الرايـح أيّــات والـراجـع=والأفضليه لمن ...... محتار!!!

حفيد الحجيري=
اِذا الأمـل عاكـس الـواقـع=في شـارع الصبـر لـه دوّار
الرايـح أيّــات والـراجـع=والأفضليه لمن ...... محتار!!!
الكحيـــــــله=
اشرح لنا كيف يا البارع=كيف الصبر ياخذ الدوار
وهجوم الاحداث متسارع=انا اتوقع عليه اخطـار
حفيد الحجيري=
لا صار خط الصبر واقـع=ما بين يأس وأسى واِصرار
سؤالنا ؛ منهـو القاطـع؟؟=اللي بعكس اتجاهه ... سار
الكحيــــــــــله=
مايعكس السيـد والشـارع=نظام صادر عليـه اقـرار
وإن كان صبرك مهوطايع؟؟=جنب عن الكايدة واختـار.
حفيد الحجيري=
جيتي علـى جرحنـا النابـع=من رحم بند النظام العـار!!
الصبر من شاري.. ل .. بايع=والريح يلقاني .. الإعصـار"
الكحيــــــــــله=
جرحك اسبابه مـن الواقـع=ونظامنا أمـر لـه صـادر
مافيـه تدقيـق ومراجـع؟=فوضاء.؟تعدي.؟وفيها اكبار
ماذكر انا الصبر له بايـع.؟=ولاشرينا وبأعلـى اسعـار
دنيـاك هـذه تبـي قـانـع=من دون تسأل وش الي صار
وإذا اعترضكم حـدث مانـع=اسجـد لربـك هـو الغفـار

أفكار "خرسا" و معاني " حُوُل "=وحروف ما تـروي "الظامـي"
لسـان حـال القصيـد يقـول=مليت من عـكّ ... الأقلامـي

عقول تتعب بها الأجسام=وأجسام في فكرها تتعب
واللي بلا فكر ما ينسام=واللي معه فكر ما يغْلَب

لوّ الأماني تجي باليـدّ=تحققـت كـلّ أمانينـا
ما كان سيّدّ سوى السيّدّ=وما كان ذلتّ فلسطينا

سؤال ينصى أهـل جـده=من الرحيلي لـحد غليـل
لي خل مفقـود لـه مـده=عسا ما شاله هذاك السيل ؟!