ديوان الشاعر حمدان الوافي المحمدي ( عاشق الاصاله )

لاياقمر حلـق وخذنـا=عند الثريا بعيدانـروح
عن البشر فوق و ابعدنـا=انته وانا وسيدي المملوح

املج وهلها علـى راسـي=اهل الوفاء مكرمين الضيف
هم عزوتي هم هلي وناسي=الصيف فيها يساوي جنيف
تعبير والله عن احساسـي=هذي الحقيقه مافيها زيـف
ناسا لها طيـب وتواسـي=ديره غنيه عن التعريـف

اناشهد انه نظر عينـي=عطره من المسك والعنبر
بيديه لا لامـس ايدينـي=جميع الاعضـاء تتاثـر

اوصفلك الرمش و الا العين=و الا عذوبة انامـلـهـا
و الا قوامـه وذاك الزيـن=والمسك غـذى جدايلهـا

راع الزميم بخده خال= والشعر ضافي على متونه
لنه مشى تسمع الخل خال=الموت في داخل عيونه

لولا الهوى ماكتبنا حـرف=ونمسي ونصبح على الاهات
والقلب مرتاح لولا الطرف=خالي وسالم مـن الونـات

ياشمس خفي على المحبوب=بانت جروحك على اوجانه
يكفيه وقت الضحى اللهلوب=ياشمس خايف على اعيانه

يخطي عليا وانا وده =عند العرب راح خطاني
كلاتهم وقفوا ضده = لما فهم ليه ماجاني

دخلة صدفه بوسط السوق=اثريه سوق الهواويه
طلعة لاكن لحقني الحوق = مخلوق ماشفت انا زيه

ترى اللقى يداوي العشاق= ان كان تبقى تداويني
وان كان ناوي لنا بفراق =على الصبر ربنا يعيني