الغــــــــــــــــــــــدر

مأكنت أضن الغدرطبعك ومبداك=كنت أحسبك انسان خير وعادي
أشوف لمعه بارقه من ثناياك=وأثر سوادك تحت عوج(ن)مسادي
مالك علامه فارقه في محياك=المشكله جوهرك علم(ن)وكادي
خلقتك ماشاء الله ويازين مبناك=وداخلك اكثر من سواد السوادي
لاكن في يومك بتلقي سواياك=دينك علي غاربك ماهو بغادي
يمناك بشرها بمكسوب يمناك=كامل ولاينقص بحسب اعتقادي
فعل الوفا ماهو لمثلك و شرواك=للــــي يشوفه غايته والمـــــرادي
يقلعك ياحي علي الغدرممشاك=مثل انقلاع الروح يــــوم المعادي
تنعاف بفعالك و ذكرك وطرياك=ويشوم عن نهجك سليم الفــــوادي
حتى الكلاب تعاف نهجك ومنحاك=وهذا تراه اسلوب منها انتقادي
لوهي كلاب(ن) سود ماهي بوياك=فيها وفا ماهو في بعض العبادي
هذا نصيبك انت ياهيه ياذاك=بالشعر سطرته بحسب اجتهادي