ديوان الشاعر طارق عبدالرحمن ( أبن وازن ) الجحدلي

تنزهي يامعاني الحرف = وأرقي على مستوى الناظر
ياعين غضي لازل الطرف = وان صدره حضرت الناظر

يسألني الود ويغني = بحر الهوى حددوه لوين ؟
فظل الاحباب متهني = وقت الفرح ينحسب لك دين

في ملعب الود نتبارى = ضد الهوى مع فريق الود
الشوق يلعب بنظارى = أعمى معى بالفريق وضد

هبـت نسـايـم صـبـاح اللـيـل = حـزت مـسـاء والقـمـر بــدري
قاس المسافه نصاب الكيل = علـى وزن ضيقـة الـصـدري

بـعــده كـفـايـه وصـــل حــــده = لـمـا قصـيـر الـزمـان يـطـول
جــزر البـحـر تــاه فــي مــده = وأصبح كفايه مع المجهول

أبن وازن=
تكميل ناقص مع المنقود = بصف العرب قايد العبـري
سـلام دون المعانـي قيـود = لاجاك حرف الهوى بحري
محمد سعد=
تكميل دايم مع أهل الجود=اللي لهم ينشرح صدري
يامرحبا والصفا منشود=ومعروف راعيه من بدري
أبن وازن =
تبقى سند فالليالي السـود = وتبقى باليل الصفا البدري
ليه الفهـد فـي ديـار أسـود = يدخـل نفـق لا طلـع كـبـري
محمد سعد =
ياراعي الطيِّب المشهود=ياللي تشيل اللحن حدري
كان الفهد أخلف المعهود=ليتك تقلي أنا ما أدري
أبن وازن =
ما عقبت نارهم بالعود = الا الرماد الذي مزري
كيف أحترام النظام يسود = والقن ما يقلل القدري
محمد سعد =
الـنـقــص والا كــــلام الــــزود = ماهو لبعض العرب حصري
كــل دار فيـهـا قـلـيـل الـفــود = وفيهـا الـذي يجبـر الكـسـري

أبن وازن =
يـا عــذب تـطـرب مسامعـنـا = يا طيب من اجمل الاطياب
ســــلام عـالـخـيــر يـجـمـعـنـا = لانـــي مــداعــي ولا طــــلاب
سالم البشري =
يـابـادع الـحـرف والمـعـنـى = ياحـر فـي عالـي المـرقـاب
ترحيـب مـن صـدق واقعنـا = من سلسبيل الوفا ينساب
أبن وازن =
تـبـقــى عــلــم مــــن مـراجـعـنـا = وحرفك مابيـن العـرب ينهـاب
عــلــم الـمـثــل انــحــرف عــنــا = وضاع الوفا والقدر ياصحاب
سالم البشري =
زيــن الـمـثـل دوم يقنـعـنـا = لاجاك حرفـه يسـد البـاب
وش احــرفــه يامـبـادعـنـا = عن سايره والموافى غاب
أبن وازن =
علمه لمـس فـي مواجعنـا = فبدايـتـه وانتهـيـن احـبـاب
والـظـن خصـمـي يقـارعـنـا = وبعد النظر فكك الانشاب
سالم البشري =
تفكـيـك الانـشـاب مطمـعـنـا = وبُعـد النظـر للعقـول كتـاب
ولاجـل الـوفـا نـهـج موقعـنـا = نحسب لراعيه ألف حساب

أبن وازن =
شمس اشرقت نورها اقبل = سلام يضوي للياليهم
ما اظن للمسأله تجهل = وما يخفا مثلك معاليهم
ابن عايش =
يامرحبا والسعد منهل = من قلب يفرح بطاريهم
لا باس كل الصعاب تحل = وأهل الوفا غصب نوفيهم
أبن وازن =
لولا الحبر فالقلم يحمل = باليد.... ويكتب معانيهم
ياكيف بعد الوفا يحصل = يرمى القلم من اياديهم
ابن عايش =
اللى لهم فالقلوب محل = وميقافهم دون ناصيهم
لو شح حبر القلم او قل = ملزوم مثلك يداريهم
أبن وازن =
اللى بناء عندهم منزل = ينظر متى يسيل واديهم
ضاقت به الارض وتزالزل = ويشرب اساء من مأسيهم
ابن عايش=
ان شفت درب الوفا حولّ = عن نهجم فى مساعيهم
باب الأسى اجعله مقفل = ولا شى يجبر مخاويهم

أبن وازن =
ســـلام يـشـعــل قـنـاديـلـه = تضوي معانيه في مبناه
البـسـة ثـوبـي بتفصيـلـه = تقدير لاهل الوفا ينصاه
هزيم الرعد =
تــرحــيــب راقــــــي فـتـمـثـيـلـه = بأعذب حروف المثل سقناه
والـطـيــب يــرفـــع رجـاجـيـلــه = فـوق القـمـم صاحـبـه تلـقـاه
أبن وازن =
تـبــقــى ويـبــقــى بـتـحـصـيـلـه = الـطـيـب مـــن يـزرعــه يـجـنـاه
الــلـــيـــل بـــــــــارد فـتـظـلــيــلــه = والشمس ماهي على المجراه
هزيم الرعد =
لا شـك يحـظـى بتبجيـلـه = اللي على الطيّبة ممشاه
وكـلــن بفـهـمـه وتحلـيـلـه = والمـجـتـهـد ربــنــا يــجــزاه
أبن وازن =
ضلوع قلبي تغنيله = حسب الطلب الحزين غناه
أشقاني الود تحويله = واخلف مسار الهوى بخطاه
هزيم الرعد =
حــنــا سـمـعـنــا تـراتـيـلــه = ما صابكم فالهوى ذقناه
الـود مــا أكـثـر تهاويـلـه = يا وجد قلب الـذي عنّـاه
أبن وازن =
الميل حاله وتهميله = الود في حاضره عفناه
بطفي قناديل تضويله = يجوز من بعد عهدناه ؟؟؟
هزيم الرعد =
الـلـي رمـــى الـيــوم منـديـلـه = جاته على عكس مـا يبغـاه
إن كـــان مـــا فــــاد تـعـديـلـه = لجل ايش تصبر على بلواه