جرحي اللي كل ماقلت داويته

جرحي اللي كل ماقلت داويته = جد جرحٍ غير الأول وعناني
احسب ان الهم بالفعل خليته = عزتي لي صرت بالظن غلطاني
غرني وجه الزمن يوم خاويته = جيت كلي صدق والوقت قوماني
ليت باب الحب بالهون صكيته = ماعطيت الحب مفتاح بيباني
وعذابي بين جمعه وتشتيته = كلها نيـــران في كل ألاحياني
آه من صبرٍ مع الوقت قضيته = وانتهى صبري على غير برهاني
حالتي حالة يتيمٍ بكى ميته = ما لقى حيٍ ينسيــه الاحزاني
حسرتي والدمع بالعين خفيته = والحشاء محروق جمره ونيراني
كلها باسباب زولٍ تعديته = مر قدم العين والرمش نيشاني
صابني بالرمش والطرف غضيته = شفت به شيٍ عن البيض كفاني
وصفه اللي بين الاضلاع ضميته = احتوى فكري على بوح وجداني
اتخـــيل صورته يوم لاقـيته = وأتمنى شوفته في لقاء ثاني
وحسايف ليتني عارفٍ بيته = كان ازوره كل ماصرت ولهاني

صح الله لسانك ياصنت

صح لسانك اخوي صنت البدراني

ودمت بخير

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الشاعر صنت البدراني

قصيده راااااااااااااائعه بروعة شاعرها

تستحق التمميز

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك

قصيده رائعه بروعة شاعرها

دقه في التصوير وقوة في التعبير

دمت مبدعا وتقبل تحياتي

صح لسانك
..
..
أسجل اعجابي بالقصيدة
..
ويعطيك العافيه
..

ماقول الا صح السانك
وعلا شانك

تحيتي وتقديري

	المشاركة الأصلية كتبت بواسطة واحد من حرب

	صح الله لسانك ياصنت

صح بدنك شرفتنا باطلاعك ومرورك العطر لك تحياتي