ديوان ألغاز الشاعر / علي بن زيد الفريدي (رحمة الله عليه)

اللغز عن بنت تنفس بلا روح =شالت غلام مفتري مع نفسها
تمشي على رجلين والخشم مطروح =حول الرسن والمستفيد يحرسها

الحل المكنسة الكهربائية من سامي الفكر

انشدك عن ورع قليل فايـــده = الا ليا منك حملته فــي يــــديك
شغله تقوم به السمول البايده = لكن عن اللي ما تحبه يحتميك

الحل البيز من مضحي بن جمران

انشد عن اللي شفتهم مستكفين =حلّوا محل اهل السباده وسادوا
حلّوامحل اللي حوالي ثلاثين = وليا رحلوا من بيت ماعاد عادوا
محل راع الدار حلوا غريبين = وان زارهم زاير لذبحه تنادوا

الحل الاسنان التركيب من وجودك يكفي

ويش بنت مالها تصنبف بين = نوب خير ونوب شر لمن حملها
من تعامل بامرها باسلوب لين = يمكن انه مايتضرر من عملها
بالخفا تاثيرها ماهو بهين = الدول من خبثها تلعب باهلها

الحل السياسة من ذيب المضيح الاول

رجال في بطنه عشرات وولوف =تجار وضعوف ويتامى مساكين
اذا كتبت اسمه كتبت اربع حروف=واذا نطقته ماطلع غير حرفين
يجونه الزوار ويجي له ضيوف =وانت تعرفه وتعرف موقعه وين

الحل عرعر من مضحي بن جمران

انشدك عن رجال من قو باسه = سوى براسه للمشاهد علامه
امر به الحيله وفيه السياسه = واطلق مثل لسياسته في كلامه
وخصيمته حرمه من اهل الرياسه= قالت مثل عن موتهافي كرامه

وهذا الحل

	المشاركة الأصلية كتبت بواسطة ابو طلق

	صح لسانك يابو خالد على هاللغز الطيب . انشـدك عـن رجـال مـن قــو بـاسـه=ســـوى بـراســه للـمـشـاهـد عــلامــه. . هو قصير بن سعد بن عمرو اللخمي عندما جدع انفه في قصة الملكة الزباء المشهورة . . . امــر بــه الحيـلـه وفـيــه السـيـاسـه=واطلـق مثـل لسياستـه فـي كـلامـه . مكره وخديعته لكي ينتقم لعمرو بن عدي من الزباء و المثل ( لا يطاع لقصير أمر ) . . وخصيمته حرمه من اهل الرياسه=قـالـت مـثـل عــن موتهـافـي كـرامـه . هي الزباء وقالت عندما عرفت انها مقتولة لا محالة في نهاية القصة ( بيدي لا بيد عمرو ) .

وشصبي حلّ بالديره يسـلــي = كنـه المجنـون ياســرع انـطــلاقــه
كان جيته تطلب المتعه يهلي = لكن اسمه موت ما يعرف الرواقه

الحل قطار الموت من متعب العمري

انشدك عن رجال له شان عظيم = صنفين نوعه جعل ربـي يبعده
نوع كبير ومن مشى به بالجحيم = ونوع صغير وكلبوهن مفسده
هو رقم واحد بين سبعه يا فهيـم = سبع كبار ويهدمـن الاعمـــده

والحل الشرك الاكبر والاصغر من غدير الوهبي

وش بنت ماتفيدك الا لين ترفعها =وعيالها ينقلون اللي تبرع به
ولاهي بتعطيك لين انك اتركعها=بنت مهماتها مع الملا صعبــه

الحل الدلة من بعيد الشوح

ويش رجل وان مشى تقرع نعوله = مـايـرد ولايهـاب ولـه لجاجــه
كلما برقت به ياكبـــــــــر زولـــــه = لكن انه ما يتصرف في مزاجه
ان تحرك شال في صدره حمولـه = وان ومرته للعمل ثوّر عجاجه

السكربير من وجودك يكفي