رقم(1230) أستلم يابو خالد/ ايو طلق حله وهو حصاة قحطان

	المشاركة الأصلية كتبت بواسطة وجودك يكفي

	صح لسانك يابوسعد وبيض الله وجهك وانا عندي رمعه سريعه. وش تقول في الستره الواقيه إللي يلبسها العسكري ويرصها على صدره وتكون ضد الرصاص

صح بدنك ياوجودك ووجهك ابيض لاهنت


ومالك لوا بالرمعه

	المشاركة الأصلية كتبت بواسطة عبدالعزيز المخلفي

	السلام عليكم ورحمة الله وبركاته مبروك عليكم الشهر الفضيل يالربع . يالفريـدي جـاك لغـزٍ من الوزن الثـقــيـل = كـان تلـقـالـه مع الارض جـرّه قــصّـهـا والرجال اللي لهم بالوفـا ذكـر وحصــيـل = كل ما تـنـصــاك مـنـهــم معـزّه نـصّــهـا أنت ابن راشـد ونعمـين في حـقّـك قـلـيـل = الرسالـه جـتك واعرف هدفها ونصّـهـا لجـل ذلك قلـت أبنشـدك يالـحـر الأصـيــل = ويـش بـنـتٍ مادرت عـنك لوّ تـرصّـهـا ؟ ما تليّنهـا البنـادق ولا السـيـف الصقـيـل = لو ضربت السـيـف فيهـا أنثـلـم ماقصّها أسمهـا وحده ما يكـفـي ولا يعـطـي دلـيـل = لازم أقول اسمهـا واسـم بنت تخـصّـهـا من بنات الشيخ نايف والآخرى بنت جيل = وكـان عـندك قصـةٍ غـير هـاذي قصّهـا والختام أقبل سلامي مع الشكر الجـزيـل = من بغى يحصي هل العرف ينسى نصّها

ـــــــــــــــــــــــــــــ
فصيدتك معنى ياعبد العزيز واستلم اللي قدرني الله عليه:.

ياسحاب قام يرعد ويبرق بالمخيل = مزنة لو امطرت بالوطى يمتصها
من رجال بالمدينه تيسر لي عميل = يتبع اللي تلّها برقبتها لصها
بنت نايف يارجل مالها عندي مشيل=في حبالك شدّها في حبالك شصها
بنت جيل كلما هبت الغربي يميل = علمها في راسها والغلط في عصها
ون غفلت اهملتها ثم سرت في وصط ليل= به مقص للرقيب ان ولاها قصها
فيه رجل يكتب وفيه رجال يزيل = مالقا من عين عورا ضعيفه لصها
انت رجل تعرف الجزل وتعرف الهزيل= النفيسه بالبحر كان تقدرحصها
ان فهمت العلم واقصاه فانته لي زميل = والبريه عن جميع الوقايع وصها

	المشاركة الأصلية كتبت بواسطة ابوخالد الفريدي

	ـــــــــــــــــــــــــــــ فصيدتك معنى ياعبد العزيز واستلم اللي قدرني الله عليه:. ياسحاب قام يرعد ويبرق بالمخيل = مزنة لو امطرت بالوطى يمتصها من رجال بالمدينه تيسر لي عميل = يتبع اللي تلّها برقبتها لصها بنت نايف يارجل مالها عندي مشيل=في حبالك شدّها في حبالك شصها بنت جيل كلما هبت الغربي يميل = علمها في راسها والغلط في عصها ون غفلت اهملتها ثم سرت في وصط ليل= به مقص للرقيب ان ولاها قصها فيه رجل يكتب وفيه رجال يزيل = مالقا من عين عورا ضعيفه لصها انت رجل تعرف الجزل وتعرف الهزيل= النفيسه بالبحر كان تقدرحصها ان فهمت العلم واقصاه فانته لي زميل = والبريه عن جميع الوقايع وصها

صح لسانك يابو خالد على هذه القصيدة .
لكن ترا لغزي لازال على قيد الحياه

صح لسانك ياعبدالعزيز

وعندي رمعة

الارض

	المشاركة الأصلية كتبت بواسطة عبدالله الفريدي

	صح لسانك ياعبدالعزيز وعندي رمعة الارض

صح بدنك ياعبدالله

ولالك لوا بالرمعه . هي على الأرض .


ملاحظة :

المقصود بالشيخ نايف ( وصف ) . والا هو ماهو آدمي .

الشيخ نايف هو الجبل اذا ماخاب ظني لكن الرمعة الله يجيبها

	المشاركة الأصلية كتبت بواسطة شأس نجد

	الشيخ نايف هو الجبل اذا ماخاب ظني لكن الرمعة الله يجيبها

لا والله ماخاب ظنك ياشأس نجد

لكن كمّل , باقي البنت .

صح لسانك ولسان ابو خالد ياعبدالعزيز
وماقصرتوا ماشاء الله تبارك الله
.
انا مريت على كم لغز
وكل ماقلت بارمع هاللغز وبرقد
ما ادري الا وانا داخل على اللي بعده
.
لكن هذي اخر رمعة قبل النوم
.
حصاة قحطان
.
وتصبحون على خير
.

	المشاركة الأصلية كتبت بواسطة ابو طلق

	صح لسانك ولسان ابو خالد ياعبدالعزيز وماقصرتوا ماشاء الله تبارك الله . انا مريت على كم لغز وكل ماقلت بارمع هاللغز وبرقد ما ادري الا وانا داخل على اللي بعده . لكن هذي اخر رمعة قبل النوم . حصاة قحطان . وتصبحون على خير .

تعال يابو طلق مابقي شي عن السحور مايمديك ترقد


وصح لسانك عز الله انك جبتها ماشاء الله عليك .

الحل (حصاة قحطان) .

صح بدنك ياعبدالعزيز
.
وصح لسانك على اللغز
.