ديوان الشاعر ( حفيد الحجيري )

وين العرب وين ؟؟مدري وين!!=الـــعـــالــــم الله ؛؛ فــقــدنـــاهـــم
لـمّــا فـقـدنـا .. صــــلاح الــديــن=و خالد و طارق ..و.. شرواهـم


ابو فارس الجريسي =
من ذيك الايام لين الحين=المجد والعز خلاهم
ولازال في نومهم باقين=ولاظن ياصاح تلقاهم

صقر المراقيب=
انا مخالفكم الاثنين=يارجال نسعد بأرآهم
الطّيب يبقى مع الحيّين=من ورث طيّب تعداهم

أضـــمــــاه و أرواه بــالــعــبــرة=وأبكيـه ؛ لأطـروه وسـط الجمـع
الـلـي مـعـه ، مــا مـعــي دبـــرة=عبر الهوى إلا .. اِنسكاب الدمع

الحجيري=
أنشدك يا وارث بخيتّ=منطوقه الذرب و الموزون
عن حيّ ؛ فوق الثرى ميتّ=وعن حيّ ؛ تحت الثرى مدفون ؟؟

بخيتان=
لاشك مشاعري حيتّ = راعيك 0 يا دُره المكنون
ارواح لاجسادها مااحيتّ = وارواح من ذكرها يحيون

حـي عـاش مـيـتّ دُفِــن مـيـتّ=حي عاش حي يدفنونه حي
الحـي لـنـا أبـقـى مــن المـيـتّ=والميـت أبقـى لنـا مـن الـحـي

صقر المراقيب=
خابـرك ياالشّـاعـر الملـهـم=مع الحـدث قافكـم فيّـاض
وانته ذكي والذّكي يفهـم=اكتب قصيده فابو فيّاض

الحجيري=
بالشاعر البلسم المرهم = يا بارقاً فالمثل نوّاض
الواجب . بدون لا تزهم = مكملينه ، قَبِل تهتاض

الحجيري=
وينك يا ناصر ؟؟ تعال . القيل=ينشد حروفي عن حروفك
عجلّ . دموع الحروف تسيل=اِمسحلها الدمع بكفوفك

الحجوري=
حطت بي البارحه فالليل = طيارة الشوق لخيوفك
شاعر مخضرم وفارس خيل = وفريد معنى في مقطوفك

الحجيري=
إنْ غــاب بغـيـابـه أشغـلـنـا=وإلا حـضـر مـالـه مـشـابـه
يـا أهـل المثـل مــن يطمـنّـا=عن آسر الحرف في غيابه

الحجوري=
عليك فالحرف مازدنا = ومثلك لاغبنا من اربابه
الله يسعدك تسعدنا = بحرفك ولا تحرم احبابه

الحجوري=
وين الحجيري فريد القاف=عن عزف الالحان وانغامه
الـلـي بـهـا يـطـرب الالاف=لاقـالـهــا يـسـعــد ايــامـــه

الحجيري=
عان ؛ الحجيري على المشراف=جابه نداء الدرع لحسامه
لبّيه يا برنس حرفه ناف=عرش المثل ، هامه و قامه

الفرق بين الجَهَل و العلم=العلم نور ؛ الجَهَل عكسه
ليت الفتى يعلم إن الظلم=جهله ؛ بأنّه ظَلَم نفسه

كلـن حسـب مــدّه المخـبـور = للناس ، من زايد و ناقـص
ومنهو بمدّ الوفاء مشهور = ما تزعزعه جعجعة باقص