ديوان الشاعر ( حفيد الحجيري )

الحجيري=


نسمة حروفك يابو سيمار=تهزّ ورقان و طويقا
اِسمك من الآن موسيقار=الحرف . والحرف موسيقا

الصامت=

تسلم يامكسي الحروف وقار = طوق جزيرته تطويقا
ماتهم الالقاب من يختار = مثلك للقب . أصبح وثيقا

خالد بـن عبيـد الاحمـدي =

ردّة وفـا جـات محكـوره=ياراعـي الطيـب والعـدلا
لابيّنـت للبطـل صــوره=دقّ التحيّـه لخـو هــدلا

حسـن عـلـي البـشـري=

ترحيب من هاجس أسطوره=ينصاك يـا لابـس البـدلا
واجب لا جابوا لأخو نـوره=طاري . يابو عبيـد تعتـدلا

خالد بـن عبيـد الاحمـدي =

مااحتاج في حبّـه امشـوره=وبالهـرج لاتميّـل الـعـدلا
احنا على العهـد مانبـوره=ونمشي على نهـج معتـدلا

حسن علي البشري=

علامها أحرفـك مكـروره=عنيتـهـا بقافـيـة ادلا
ولاك ما نشـكّ فـي دوره=وحرفي حسب ما رأى أدلى

خالد بن عبيـد الاحمـدي =

عسى صخونتـك ماتـزداد=ياللي مجرّب سعوط وفكس
وان كان ماطبت فيه امضاد=اسمه على علبته بينمكـس

حسـن علـي البـشـري=

يا صقر منك الوفـا معتـاد=عن حالنا تقول أشعة إكس
فِقْرَتْك لجروح أخوك ضماد=صافي عسلها ما يقبل مكس

خالد بن عبيـد الاحمـدي =

ماكان ينعـزّ عنـد اجـواد=اللي حلاته تفـوق توكـس
وبعد المطر كان حظّي جـاد=طلبك يرسل عليك بتكـس

حسن علي البشري=

ما نشكّ فيك ، الوفا إنْ ما زاد=ما ينقص ولا يعـودّ عـكس
وإن جـاد حـظـك لـنا ميـعـــاد=وإنكان ما جاد . منّا ثنكس

خالد بن عبيـد الاحمـدي =

متجمّعـه شلّـة الشّعـار=عندي خبرهـا بمركـازك
والكل منهم يشيل اشعـار=يالملتقـى خـاب نبّـازك

حسن بن علي البشـري=

في مجلسي خيرة التجّـار=ياللي لحالك على جهـازك
لكنك اقـرب لخـط النـار=يمكن يابو عبيد نعتـازك

خالد بن عبيـد الاحمـدي=

راعي كرم من رجال اخيار=توقد حطبّ لنتهى غـازك
ولو يقرب اللي لكم مختار=تبشـر بحـلاّل للغـازك

حسن بن علي البشـري=

ما تنطفي نـار للهودار=يا صقر ما نجهل اِنجازك
الحر يبقى فحكم أحـرار=يا خبز في يدين خبّازك


خالد بن عبيـد الاحمـدي=
يادار علوّه ثلاث ادوار=مخطور من كان نقّازك
ومنقوض فتلك ولنته قار=ياحبل بهذلك هزّازك

حسن بن علي البشـري=

يا معزب الضيف والخطّار=والطرقي إنْ مرّ ما اجتازك
لا تعقّ رابيك خلك بار=ما حزت فالماد من حازك

حسـن علـي البشـري
لو كنت يا خالد الكرسي=مع حفظ قدرك و مقدارك
ش تقول للمُنتخب مرسي=حتى ما يُقشع كما مبارك
خالد بن عبيد الاحمـدي=
فالقيل بعطي لكم درسـي=ثمّن معانيـك فاشعـارك
ومالك فالاقباط والفرسي=والعز فـي داري ودارك
خالد بن عبيد الاحمدي=
مرست مغزى المثل مرسي=عزّي فالأمثال من شـارك
مدري متى حرفكم يرسـي=ويزول تشويـش رادارك
خالد بن عبيد الاحمدي=
مامات بارض المثل غرسي=اثمر مع النّاس وتبارك
وارسى مع البّث يالشّرسي=وياليت قدّمت معذارك

فالطــرقه الليث يزهـــم ليٓث=زئيرهم للخــصــم يشقي
وأهل المثل ، لِن تباطا الغيث=بحروف شرواك تستسقي

الحجيري=
فالطـــرقه الليث يـــزهم ليث=زئيرهم للخصُـــــم يشقي
وأهل المثل ، لِن تباطا الغيث=بحروف سلمان تستسقي

حـــــــــــرب=
خوّتــك نوماس ليّه حيث =فالطيب دايـم لك السبقي
والا أنت للشعر جيت مغيث=حتى بلغ منتهى الافقي

حفيد الحجيري=
اللي ما لهّ فالطوال حضور=لـو غــاب مــا تشـعـر غيـابـه
واللي كما حرب وألاّ سـرور=يُفْـقَـد مــن اِعــداه و أحبـابـه

سرورالبشري=
سلمـت عـيـدك فــرح وســرور=والـــصــــدق مـايـنـقــفــل بــــابــــه
ومني وعن حرب فالمسطور=نـــشـــكـــرك يـــاجـــيـــد الــــلآبـــــه

حسن علي البشري=

قبل الشياطين تتصفّد=ومادمت يابو صقر موجود
قدّام لا الحرف يتمرّد=عليك ..بآخر نتاجك جود

خالد بن عبيد الاحمدي=

هاجوس صاحبك ماترقّد=وحاضر بلا مارد ونمرود
ومن حبسها حرفك اتعقّد=تعجز لبدعي تجيب اردود

فأول عَشُـر من سباق الخير=فازت خيول أول الناجين
يا مفرّط العَشْـر حثّ السير=قفتّ عَشُـر وأقبلت عشرين

سرور=
آه اشتكي من آسى يبرح =في قلب لأنسان مآسا
وعكس الموآساه له تجرح= مشاعره أقرب الناسا

الحجيري=
من أنزل آيات ألم نشرح=أعظم للإنسان من واسا
و ياكم جريمه بلا مسرح=خيوطها مجرد إحساسا