ديوان الشاعر ( حفيد الحجيري )

الحجيري=
كم حرف لأهل المثل خالد=وكم حرف يا حرب دون فدون
لكن وش تقول في خالد=دندون وألا مهو دندون
حرب=
صدقت ياوارث الوالد=فالطيب والحرف والقانون
ولعل كل ام ماتالد=الا كما اللي عليه نمون

شاعر .. حروفه كما .. الصحرا=مثل الخلا الموحش الخالي
وشاعر .. حروفه كما .. العذرا=تستقصد القلب طوّالي

الحجيري=
اِسمع كلامي يابو مديده=وغيرّ معزبك ضيف الله
وش لك بدربٍ مهو سيده=خلك مع دروب خلق الله
ابو مديده=
للضيف دِبره وتسديده=ويغيِّر معزِّب الحِله
تُحسَب فالأعراف تجديده= والعقل ما ألقى لها طلّه
الحجيري=
أعطيت فالدرب تسنيده=لكن في شوفك يعوض الله
أنصحك عيد النظر عيده=ما قصدنا غير وجه الله
ابو مديده=
مايقول فالدرب تعقيده= مِن لا على أوضاع مِختَله
قلبي يرى واسِع البيده=ويقدِّيْ عيون مِعتّلَه
الحجيري=
حنا سعينا لترشيده=وبقية أمر الفتى لله
فليفعل الله ما يريده=وختام الأقوال ذكر الله

صدري من مْزاحم همومه=حتى النسم فيه ما يسري
وطرفي له سنين في نومه=ما أرتاح .. دمعه نهر يجري

أصعب من الصعب تقلع حب=من قلب عاشق من جذوره
أو تزرع الحب داخل قلب=فيه الأحاسيس مبتوره

الحجوري=
مع كل تأكيد هذا صعب = والمرء ماهو بمقدوره
لاطب ينفع في كُره وحب = ولا دمع يشفع لمأسوره

مواقع الحرف مملوءه=شعار تبحث للقمة عيش
ينبئ عن الشاعر هدوءه=وترفعه عن حروف الطيش

صقر المراقيب=
له ماركه مابها حقران=وخذ كلمه بعالي الصوتا
تنبط كبدي من النيسان=يوم ايتقارن بتايوتا
الحجيري=
أخوات ولكل وحده شان=ويا حظ باخت بمبخوتا
والموتر اللي من اليابان=لِن كنت شرّاي لا يفوتا

خالد بن عبيد الاحمدي=
يابو علي صار لي موقف=مع شاعر الوزن والمعنى
ارسلت ماكنـت متلقّـف=ومن دون لايردّ ودّعنا
حسن علي البشري=
خذ رقم وسط السرا وأوقف=وإن طولّ سـراك راجعنـا
مرسولكم ما نقلّه . قـف=بّعّد ما بينّـت وش تعنـا
خالد عبيد الاحمدي=
خابرك رجّال متثقّف=واحنا لنا عرف رافعنا
لنا ذرا دار متسقّف=والحق منهاج نافعنا
الحجيري=
حنّا على العهد يا مثقف=ومثلك ما يجهل مواقعنا
ونعمين فيكم هل الماقف=ما نذمكم يا ربايعنا

الشعر ماهو هجوم دفاع=يا مشقلبينه على راسه
الشعر مثل الموسيقى اِيقاع=يعزف على أوتار حساسه

حفيد الحجيري =
الشعر ماهو هجوم دفـاع=يا مشقلبينه علـى راسـه
الشعر مثل الموسيقى اِيقاع=يعزف على أوتار حساسه
ناصر الحجوري =
شاعر ولك فالهجيني باع=فوزنه ومعناه واجراسه
ماكل شاعر مثل بـداع=مبادع القيل لـه ناسـه
حفيد الحجيري =
بعْدَك تموت الحروف جياع=ويعزّي الحبـر قرطاسـه
يا متوّج العرش بالإجماع=حرفي شهادتـك نبراسـه
ناصر الحجوري =
يامن في غيط المثل زراع=الغرس يرجـع لغراسـه
حرفك مثل نبتة النعنـاع=قاريه يستنشق انفاسـه