ديوان الشاعر ( حفيد الحجيري )

حفيد الحجيري =
عن حالي الناس لو تعلم=ما كان من حالها عانت
لو أشتكي للحجار الصم=كان انفلق صمها ولانت
مخلد الحجيري =
وش ضيقك يا خشير الدم=وأنا بظني معـك زانـت
ابحر بصدري وقيس الهم=تلقى المنايا معي دانـت
حفيد الحجيري =
يا مخلد يزول همي بهم=وهموم لساع ما بانـت
كل ما برى جرح واتدمدم=تنزف بي جروح ما فانت
مخلد الحجيري =
اصبر مع الصبر ما تنـدم=ولا تقول يا أمس لو كانت
خل الأمـل بارقـه معلـم=في وجه الأيام لو خانـت

وسلامتكم

يا من هواهم كواني كي=وأشعل بقلبي لهيب النار
بأطوي كتابي معاكم طي=وأكتب على مطلعه تذكار

غربة وطن

يا صاح ضاق المدى فيني=في داري أحس بالغربـه
من كان بالروح يفدينـي=اليوم أعلن علـي حربـه

سقيا الهوى

نجزاه بالوصل نلقى صد=وش ذنبنا ويش سوينـا
كلما سقيناه حلـو الـود=يا للأسف مـر يسقينـا

بنيت جسر الوصل...هـده=وجازاني الوصل...إعراضي
رحت أشتكي للهوى ضـده=لقيته الخصـم والقاضـي!!!

حفيد الحجيري=
يـا هـلال الأيـام دواره=لو يوم زانت ف يوم تشين
والوقت ما تعرف اسراره=طبعه على طول بين وبين
هلال حرب=
وقتي عطاني انا اشاره=واللي تقوله اعرفه زين
ياما سقاني من امراره=ماشي معايه على الجنبين

ياما كتبنا من الكسرات=يا ما كتبنـا وسجلنـا
ويا ما افتكرنا زمانا فات=ويا ما صديق انتحى عنا
===================
واسيدي اللي وحيد بلاه=وبلاه ما ينقضي لي شان
لعل منهو سعى بفرقـاه=يرميه ربي مـع اليونـان
===================
الله يستر على مستـور=يسعـد لياليـه وأيامـه
سيد العرب رافع الدستور=والقلب يشكي من آلامه
==================
لا والله إلاّ انتحيت وكان=ولا عاد لامـاك لامانـا
سبحان ربي عظيم الشان=خلاك تجـزم وتنسانـا
=================
ننحى ولا نترك الصدقان=دايم على الطيب ممشانـا
آنا على عشرتك لو كان=لو كان فالكون ما كانا

ياليت ما هناك ود ووصل=إن كان لابد مـن فرقـا
لكنها هي كذا في الأصل=لابد تنـزل بعـد ترقـا

ليت الهوى يشترى ويباع=كان اشتريت الهوى كله
للي سكن وده الأضـلاع=لا باحـه الله ولا حـلـه

حفيد الحجيري=
سلام مثل الحيـا لا هـلّ=يعمّ خيره ويسقـي مـاه
من هاجس بالوفا ما كـلّ=دايم بدرب الوفا ممشـاه
منصـاه لأستاذنـا قابـلّ=تسلم يمين الـذي ربّـاه
عزّالله انه زعيـم الكـل=شاعر من أدناه لين أقصاه
قابل البشري=
ترحيب طيب وزهر واجمل=ياوارث الطيب من مبـداه
شاعر ولك حرف ماينمـل=يطرب جميع الذي يقـراه
ولاازود عن عالي المنزل=كلا ولا ازود عن شـرواه
شعـار وحروفهـم منهـل=وصرح المثايل تزيد بنـاه