يسبقني الدمع يوم القاه

هذي (المحاوره) بيني وبين الشاعر (الغـــانـــمــي)

عــــــبـــــود=
سلام واشكي اسى بي حل =واحتل كل الجسم واكساه
كيف اتركه والدموع اتهل = واللي مضى كيف لي انساه
(الغـــانــــمـــي) =
يامرحبا والامل مازل = مادام درب الوفى يبراه
واشوف فن الهوى اجمل = لا صرت باقي على رجواه
عــــــبـــــود=
يمحمد الجو ما يكمل =قدام لا شوف من اهواه
عندي امل بس مايقبل =يسبقني الدمع يوم القاه
(الغـــانــــمـــي)=
من عاش فالود يتحمل = ويدرا على حالته ورضاه
حتى على راحته يشمل =ويعيش في ود ما يشناه

وهذي بينه وبيني

(الغـــانــــمـــي)=
سلام واسأل قوى الحيل = اللي مجرب في ايامه
منهو تعنى وذاق الويل = يجوز يصبر على اسقامه
عــــــبـــــود=
يامرحبا ياسواري الليل = لا تشقي القلب بألامه
اصبر ولو كان زاد الكيل = يجوز سقمه من احكامه
(الغـــانــــمـــي) =
مايوم شفنا قصور وميل = وفجأه تغير معي نظامه
والآن دمعي سواة السيل = عامين عدة على خصامه
عــــــبـــــود=
ان كان ونه شايلكم شيل = في ماضي الوقت بلزامه
ترى القمر مايكب سهيل =لو غاب يطلع حسب زامه