ديوان كسرات الشاعره (الكحيله)0

حدثت نفسي وقالت لي=لاوين قلبك مودينا؟
قلت العفو ماني المفتي =يمكن على خير ناوينا
قالت ودادً له اخلصتي=قلت اوقفي لاتزيدينا
هذاك وده كماشفتي=اموت لو قيل ناسينا

دربي وفاء

معروف يحدث كما قلتي = في ود بين الموّدينا
كانك وثقتي توثقتي = للخير لابد تلقينا
اليا صدقتي وصادقتي = من بعدها وش تحرينا
لاتفكري 0 لو تخوفتي = يحصل كذا للمحبينا

قصر المودة صممت ابناه =ارسيت با الروح بنيانه
لجل ان ماغيركم يعناه=سلمتْ مفتاح بيبانه

رغم الذي بان يبقى أعظم=في داخل القلب مخفيته
مهما اقول الشعروأنظم=مايصف اللي معانيته

لاتحسب البعد يحسب شيء=بين .المحبين.. ولماذا
لاجله هو الروح وادنى شوي=لولآ .وداده . فلا لاذا

اليوم حظي ترك عُنده=صفى من الوقت لي ساعه
صدفه ولاهي وعد عنده=طابت بها روح ملتاعه

آلعـيـن لــو هـلــت آلـعـبـره=ما لومها يا غلآ روحي
آلقلـب معـهـا نـفـذ صـبـره=تحـالـفـ(ن) واكـتـبــ(ن) بــوحــي

دربي وفاء=
اتـعـبـنـي الـقـلــب بـسـبـابـك=يشكي وليل الهنا ماطاب
تـــجــــرع الــــمُــــر بــغــيــابــك=الـيـن راعـيـه وعـيـه غــاب
كحيلة حرب=
ومن قال يشكي كما مابك=تشابهـت والجـروح اسبـاب
نفس اللذي صابنـا صابـك=حكم القـدر فـرق الاحبـاب

لوقلت هذا المفارق يوم=وعزيت نفسي وعزيتك
يحرم عليه لذيذ النوم= لو لحظة إن قلت ناسيتك

ناظر بعيني تشوف الشوق=من اجلكم كيف دريوبه
تجاوز العقل والمنطوق=لنه صرخ يوم حسوبه

في معتقل ودكم فكو=اسير مسجون ماله ذَّنْبِ
خطيئته يوم عاهدكو=بيت الوفاء ما شلع له طنبْ