ديوان اغاني البحارة (سعد بن جبر الجحدلي)

جهد

بذلت له جهدي المضني = حتى كبر وأعتدل له فن
اليوم خلي تجاهلني = وان شافني قال هذا من ؟

***********

أمل

عـلى الأمـل دوم نلقاكم =وانـتم وحـنا دوام بخـير
يا للي كـريمه مـزاياكم =في طـيبكم يقـتدون الغير

والى مجموعة اخرى من ديوان ( أغني البحارة )

ارجو ان تنال استحسانكم

تذكرة

ميـت ولا ذكرونـي بـك= يحيا رميم العظـم وافـز
ياللي كما السلسبيل اشربك =شربة هنا من غدير العـز

سعد بن جبر الجحدلي

انت والهتان

اعرفك حد العطش واعرف=انك مطر تروي العطشان
وما زلت متأملـه لا رف=برق الحياء وانت والهتان

سعد بن جبر الجحدلي

يا عيــد

يا عيد وين العرب يا عيد = اللي لهم وزن ما يبخس
ازهم بصوت الوله وأعيد = واليا إنهم لا خبر لا حس

سعد بن جبر الجحدلي

تناقض

كلما ارسمه ما يطيع اللون = متناقضة والامل ينعس
علمته الحب كيف يكون = وعلمني الياس كيف ايأس

سعد بن جبر الجحدلي

لا شي في يدي

اشوف برق ٍبعيـد اخيـال=واحس وبل المطر عنـدي
لكن ثرى القلب لا .. مازال=ضامي ولا شي في يـدي

سعد بن جبر الجحدلي

الشوق

نسنس من اقصى الضلوع وهب = نسناس ما كنت له حاسب
واليا انه الناحي اللي غب = الشوق عوّد لي مشاغب

سعد بن جبر الجحدلي

من لي؟؟

من لي اذا غبت عن عيني=وصار بيني وبينك سـور
ياللـي كلامـك يسلينـي =ما تدري انك لعيني نـور

سعد بن جبر الجحدلي

نشوة التغريد

قومي اعزفي لحنك الشاجي= اللي سبق مغريات العيـد
ودي اغنـيـك وانـاجـي= في فتنتك نشـوة التغريـد

سعد بن جبر الجحدلي