للغز (355)حدها شهر كامل=محلول=درجة الحرارة=من سعود

السلام عليكم وصباح الخير
هذا لغز من الانتاج القديم ومن العيار الخفيف اتوقع ما يمسية الليل الا وهو في عداد المفقودين .

أنشدك عن بنتاً حدها شهر كامل= وأحسب ورآه أسبوع وأجمع أحسابك
في حدها العادي ترى الخير شامل= لكن إلى زادت أتزود عذابك

حياك الله ياعشير النشاما وصح لسانك وماقصرت

صح بدنك اخوي خالد وننتظر اول الرامعين .

السلام عليكم ورحمة الله وبركاته صباح الخير أخي عشير النشاما
عندي مرماع والله مدي أنا حوله وإلا لا لكن إيش رايك طال
عمرك في ( فاتورة الاتصال )

هلا اخوي سامي الفكر وزي ما قلت ما انت حوله وحاول .

الله اعلم انها المربعانيه

صح اللسانك ياعشير النشاما وش رايك في القسيمه المروريه

حياك الله ياعشير النشاما وصح السانك وانا مطفي النور

اخواني /ابو خالد الفريدي ومهجرس الحرف رمعاتكم ماهي حوله ولا هي باتجاهه . رددوا .. لكن حاولوا .

اخوي العضيد عساها ما يطفي نورك ويطول عمرك .

والله اني مستغرب يعني صعب اللغز على مثلكم ؟؟؟