ديوان الشاعر مشعل سالم النويمي

فالليل قبل المنام اقبل = جاني بطيفه وهناني
مثل العطر ريحته وانبل= ياليت يعود حلمنا ثاني

ياارض بيضاء مابك شي = ياغالية من اثر احباب
تبقى بقلبي اثرها حي = واللي رحل عننا ماغاب

مشعل النويمي=
ودي اجابة ومصدر صح = من ناس خيرة توافينا
ليه الوفا في زمنا شح = والوضع ماعاد يرضينا
ابوذياب=
خذ الاجابه تهناء ارتاح = من مصدر القلب ياخينا
أعملك (بأصلك) ... ترى ياصاح = الناس أصناف تعمينا
ابن شريف=
الناس في عالم المسرح= يم الطرب والمغنينا
تفكــيرهم كيف كم تربـــح= فيهم نقدم تعـازينا

لاتخاف ياراضي الوالدين = مادام تسعى برضا امك
اللي عملته يجي بعدين = من صلب ظهرك ولا يهمك

انصحك يامبتلي بالحب =اترك دروب الهوى وارجع
ياما يجرح وفيه الغلب = واللي ابتلا بنارها يوجع

احنا مشينا مع الاخيار = صحبة قوية وندية
جميعهم للوفا مقدار = رفاقة وقت الجدية

ارجوك لاتردني خايب = تلبي دعوتي وتزور
بقدومكم خاطري طايب= ويصبح حالنامسرور

الجو ممطر وشكله لطيف = والقلب سارح فمحبوبه
ودي بهدية مع التغليف = توصل لمن قلبنا صوبه

يافاعل الخير لاتندم = ان كان قصدك وجه الله
اللي لغيره سعي معدم= يبغى وراه العلا والجاه

مشعل )جاني جواب طيب العشرة = اهل القدر عندنا مرموق
معروف وانتم اهل خبرة = اسمك علم غربها وشروق
بحر الكسرة) الطيب مرفوع من قدره = يمشي مع الدم وسط عروق
ماعندنا للوفى كبره = الجود ماهو لنا مدروق