ديوان الشاكر قسم الكسرات

الطواف

آنا اعرف إنك رجل صادق = وفي قولت الحق ماتجاحد
من كان يعدي مع السارق = فالمحكمه ينقبل شاهد؟

اشاكر أبو سامي

أنت رجل تعرف الفارق = للمفتي العام والناقد
والشرع مايترك الغارق = ولا يعفي المجرم الشارد

بحروف واشواق قلبيه = من قلب فيه الوفاء والشوق
تعم كل اللفاويه = بترحيب مثل المطر من فوق

الحوت

سلام من خاطري منحوت = الريح ما تمحي نحوته
وآنا فبحر المعاني حوت = من يقربه يقرب لموته

[/quote]

الشاكر

ترحيبنا أغلى من الياقوت = نباه يسبق صدى صوته
لو كان بحر المعاني موت = الحوت به مالقي قوته

اقول لحروبنا زانت=زانت ليالي الهناء والانس
وان كان مالذاكره خانت=مابيننا ماتبقي حنس

من الشاكر أبو سامي الى أخي صدى النجوى

استلم لاهنت :

بقدومكم زانت وبانت = أنوار ماكنّها ألاّ شمس
وحروب تبقى كما كانت = عاداتها بالوفاء مثل أمس

تعذرت معي صفحة ويب = واسبابها ضعف في الارسال
كنكتي أول سوات الذيب = واليوم يالربع حاله حال

أبو ذياب=
جـرح المحبيـن ذابحنـي=من أقرب الناس يالشاكر ؟؟
زادو أسى خيبوا ظنـي !!=والله الجفى .. يكسر الخاطر
الشاكر أبو سامي=
ماهم محبيـن سامحنـي=كيف اصبح الدم متنافـر
عليك ارى قوسهم محني=وانا أعرفك بالهدف ماهر
أبو ذياب=
ياكيف ؟؟ له حق يظلمني=وليا ظلمته انا خاسر !!
عندي له شهـود لكنـي=مرضى له القيل فالاِخـر
الشاكر أبو سامي=
عن سير الاحـداث فهمنـي=ونشاهد الوضـع ونناظـر
وفي القرب والبعد وش يعني=حتى أصدر الحكم واجاهـر
أبو ذياب=
عليه غلطات تجرحني =أزعل ولا يحس ويناظر
أعاتبه مايطوعني = يعيده مرار ويكابر
والله لولا الحي أني = أحاربه بس وأشامر
الشاكر أبو سامي=
الحكم ماهـو بمبلشنـي=لكن في وضعكم حايـر
بادر وسامـح وكلمنـي=أحسن من الحكم بالظاهر

الطواف=
ياصحاب حتى مانظلمها = نبغى من أهل المثل تفسير
لاقنعت النفس نرغمها = والاّ حسب ماتريد نسير
الشاكر أبو سامي=
كان القناعة تنظمها =عن موطن الزود والتقصير
الواجب انا مانحرمها = من فايض النصح والتقدير

اللماح=
ســلام لـهـل الـمـثـل والـعــرف=والـلــي لـهــم بالمـعـانـي ذوق
لجل ايش ماينقذون الحرف=اللـي هبـط بـعـد مـاهـو فــوق
الشاكر أبو سامي=
ترحيب مثل الذهب في الصرف = للصاحب المعتبر . مسموق
لاجل المثمن يغض الطرف = حسن البضاعة بحسن السوق

اللماح

سلام يامشرفين القيل = ياللي لكم فالمعاني دور
أشوفه القيل قام يميل = والمسأله وضعها مخطور

الرد من الشاكر أبو سامي

ترحيب مثل البدر في الليل =ليلة صفا منه شع النور
نتيجة القيل بالتحليل = ووصف العلاج بيد الدكتور

الشاكر أبو سامي=
سلام واصحابنا يدرون = يدرون بالمعرفة والقن
وانا على فعلهم ممنون = إن كان ماهن وصى هن
الرد من الشاعر / عبدالله جابر المعبدي=
يامرحبا والصعاب تهون = من شانكم يازعيم الفن
على شرف والوفاء مضمون = مايقبل الشك وألا الظن