عوده ليان وبه رشاقة غزاله

	المشاركة الأصلية كتبت بواسطة خالد الحصني

	في كل يوم ادخل بريد الرسايل= ما جاتني من نور عيني رساله ادخل على الوارد واراقب وخايل= ما لاح لي براق صادق خياله شفقٍ على وصله ولا لي وسايل= رجاي بالله ثم لفتة وصاله حاكم وطن هدف الضلوع النحايل= محدٍ معه حاكم وطنهن لحاله هدفٍ تجاوا قبل شوفه محايل = وبشوفته يرعى خضرهن حلاله ينزل رياضٍ با الضماير خمايل= ويقطن خفوقِ مرهيٍ له زلا له علي لا يقسا ولاهو بعايل= وعليه انا في صادق الشوق واله يزهاه قولي يوم اقول المثايل = ويزها المثايل يوم اوصف جماله لزين في وصفه رسوم ودلايل = يفرح قصيدي فيه يوم انتخاله لعيونه الثنتين ذات العمايل= قاف القصيد ايقول ياحي فاله بيتٍ يحاول يحتفي با الجدايل= وشطر لغنج عينه وشطر لدلاله وبيتٍ يلم اوصوف زين الخصايل = وبيتٍ ليامنه طرالي عناله اليامشى بخطاه تقل ايتحايل= كنه يكلم من غروره خياله والخصر دلة سيف من صنع حايل= دلة كريمٍٍ من غلاوي دلاله متراكين عنده عيال الحمايل= فاحة وهو عنها يرحب وداله ومعلقٍ نابي سواة النثايل= يشكي جنوبيه عداوة شماله لا وقفته عدله ولا هو بمايل= يرسم تضاريس الخريطه ضلاله كان الهوا قبلي شموخ الاصايل= ونقفته تقول عروة ابياله لاهي مثقلته ولاهو بسايل= عوده ليان وبه رشاقة غزاله ومن النسب ينسب لعز القبايل= ابوه حربي والطنايا خواله ماطاع بي من حاولوا با العذايل= ولا طعة به من قال مالك وماله عليه شرهات النوايا صمايل= مالي غلا غيره وهو قال ماله

الشاعر//خالد الحصني 00صح لسانك
ابداع يابو وليد تقبل تحياتي
وتقديــــــــــــــــري

ابدعت بكل ماتعنيه الكلمه


هنا للشموخ والشعر حضور قوي

نص راقي وجميل

صح لسانك وسلم بنانك

شاعرنا خالد الحصني

الشاعر العذب
خالدالحصني
..
كالعادة حضور مميز
ومسكون بالعذوبة والإبداع
قصيدة جزلة من شاعر جزل
صح لسانك وبيض الله وجهك
ودمت بفرح وسعادة

شكرا اخوي قصيدة رائعه

لا وقفته عدلـه ولا هـو بمايـل=يرسم تضاريس الخريطه ضلالـه

	صح لسانك صح لسانك ياخالد بيض الله وجهك بيض الله وجهك ياخالد جزله من جزل

الشاعر العذب
خالدالحصني
..
كالعادة حضور مميز
ومسكون بالعذوبة والإبداع
قصيدة جزلة من شاعر جزل
صح لسانك وبيض الله وجهك
ودمت بفرح وسعادة

اخووووك
النجم الراقي

صح لسانك


عبرت وأجدت


تحياتي وإعجابي

	المشاركة الأصلية كتبت بواسطة خالد الحصني

	للزين في وصفه رسوم ودلايل = يفرح قصيدي فيه يوم انتخى له لعيونه الثنتين ذات العمايل= قاف القصيد ايقول ياحي فاله بيتٍ يحاول يحتفي با الجدايل= وشطر لغنج عينه وشطر لدلاله وبيتٍ يلم اوصوف زين الخصايل = وبيتٍ ليامنه طرالي عناله

قصيدة متميزة، فعلا
صح لسانك يا خالد الحصني
وبيض الله وجهك

صح لسانك وسلمت يمينك وعلا شانك ...

أبيات رائعه ...