ديـوان الشـاعـر.../ مـضـحـي بـن جـمـران الـحـربـي.

ياعين يوم أنك عن النـوم شمتـي=هاتي سبب مقنع لصاحبـك ياعيـن
يمكنـه امعـن فالنظـر ونتقمتـي=وش الخبـر ياساهـره لاتخفـيـن
او انك في ود اريش العين همتـي=لكن كبرتي عـن سجـل المحبيـن
قالت لي اكبر قلت يـوم انهزمتـي=وبغداد راحت مثل روحة فلسطيـن
قا لت لي صادق كيف ماسهر لحمتي=بعد الجراحه جرح مسهـر ملاييـن
ياعين دامك فالظـروف انحكمتـي=الصبر زين وفيه مقضـات ثنتيـن
كسب الجميل ثـم لحقـك غنمتـي=لابـدهن مايرجـحن الموازيـن
حكمه من الشاعـر لعلـك فهمتـي=اثرك ياشعر النبـط لـك سلاطيـن
مرحوم راع البيت وأنتـي سلمتـي=ولاهانة عيونٍ تناصر مساكين

الشاعر الكبير عبدالله بن عتيق المزيني يعجبني كل مايكتب من قصايد وحبيت اجاري هذه القصيده لجزالتها وجزالة شاعرها
الشاعر الكبير/ عبد الله بن عتيق المزيني

تقل بالضمايرتسعـر النـار مشبوبـه=على الفايت اللي فات لكـن هيهاتـي
وتهيضت لي من بـارقٍ ناض بنصوبـه=تلاعج ابروقه واصبح الصبح ماباتـي
عسى ماطره يسقي صعيدٍ تمشوبـه=توقف هواه وينزل الـودق سوقاتـي
وجودي وجود اللي زهق دون ماجوبه=وتعرض الوم الخلق حاقـد وشماتـي
وعلى هاالزمان الشين ماصبرنا دوبـه=تفجرت من غيضي عقب طول اسكاتي
ولا قدرعلـى الاقدارباللـوح مكتوبـه=مثل من يبي يالحق على فايتٍ فاتي
ولوطالت الايـام تقضـي ومحسوبـه=كذا سيرة الحيين مع درب الامواتـي

مجاراة الشاعر.../ مضحي بن جمران الحربي

انا هاضني قافٍ تنقـاه لاعوبـه=على شان عبدالله نويـت المجاراتـي
عساء غافر الزلات يغفر له اذنوبـه=علامه يذكـر دالـه البـال مافاتـي
توجد على اللي راح ياصعب مطلوبه=وهو داريٍ معاد فيهـا مراواتـي
مالومه بوقتٍ عكر الخلق مشروبه=عبثهم شمل غازٍ بعال السمواتـي
وانا كيف الومه والموازيين مقلوبـه=ياكثر المصايب لو فتحنـا الملفاتـي
إركاب العيا جتنا من الغرب مشعوبه=عليها عرب بازوال لكـن خواجاتـي
ماندري لو ان الناس يالقرم مذنوبـه=لنا شوفهٍ وحده وللناس شوفاتـي

اظلم من شارون

حظي اللي كل ماقلت انهـض لاتنـام=قال هذي نومتي من زمـان احبهـا
لاتلخبـط جدولـي يامكثـر فالكـلام=الحذر قبل المشاكـل عليـك اصبهـا
قلت لك مالك عليه حقـوق ولامـلام=سيبني اقبل اشعل النار بك وشبهـا
قلت لاتزعل عليه معك عشرين عام=نام نـوم العافيـه والمشاكـل كبهـا
حظ ياشارون مظلوم ليـش الاتهـام=العرب وشلون تكرهك وانت تحبهـا
فازعٍ لك بوش وبلير وعيال الحـرام=والعرب بالشرق والغرب تطحن حبها
دام ولد بربره رشحك رجل السـلام=خذ تخير جمجمـه للخمـر تشربهـا
انت ماحد يحاسبك لو تعديت النظـام=واليتما مالهـا غيـر فزعـة ربهـا
اغتنم فرصتك فاللي كما جول النعـام=دام تدري مشكلتهـم تحيـر طبهـا
زاد ماقفهم ضعافه بكثـر الانقسـام=كرةٍخفة على اقدام من يلعب بها
((دورو عن بنت راحة سواليف وكلام=أختفت في ساعة الضيق ماحدٍ نبهـا
لوحفظت كان جاء للعرب شان ومقام=دونها ماحدٍ لقاء فرصةٍ يكسبها
يوم كلٍ قال مالي بها شان ومرام=وكل فرقه تشكي ام الركب بركبها
من نلوم ومن بقي سليم من الملام=منهو اللي يالعرب كلمته يقضب بهـا))

(1111)
اليكم هذا اللغز وهو ابيات من ضمن قصيده وارجو من اخواني الشعراء التكرم والمشاركه بالرمعه شعراً قد المستطاع والامر اختياري وغير ملزوم واهم حاجه مشاركة الجميع شعراً او بالرمعات المعتاده واليكم اللغز مع التحيه

دورو عن بنت راحت سواليف وكلام=اختفت في ساعة الضيق ماحدٍ نبهـا
لو حفظت كان جاء للعرب شان ومقام=دونها ماحدٍ لقـاء فرصـةٍ يكسبهـا
دام كلٍ قال مالي بهـا شـف ومـرام=وكل فرقه تشكي ام الركـب بركبهـا
من نلوم ومن نبقي سليم من المـلا=مومنهو اللي يالعرب كلمتـه يقضبهـا

الردود شعراً من شعراء الملتقى
الرد الاول من الشاعر/ عبدالله بن عتيق الحنيني
=
=
=

مرحبا وهلين والنـور جـلاي الضـلام=والقوافي لجل عيـن المعتبـر نكتبهـا
سلم اللغز الثمين وخذ على اللغز استلام=والجزالـه للجزيـل بـدون لا يطلبهـا
با العروبه ما ختلفنا با العروبه والنظام=والعروبه حرف حرف وفرهـا وقلبهـا
وابضيف الكلمه الكلامه وشكرن والسلام=رمعتين بحد عرفي ونظـري وحاسبهـا

الرد الثاني من الشاعر/ سعد بن رجاء الحصني
=
=
=

مرحبا ترحيبتن بالرياجيل الحشام=الرجـاال امثالكـم دايـم ارحبهـا
هي قضيتنا بلا شك يانسل الكـرام=نصف قرن وشعبها وسطها ايعذبها
يقدات المسلمين انهظو كفى منـام=الشهاده كل مسلم تـراه ايحبهـا
والختام اهدي تحيه وقدرن وحترام=للرجـال امثالكـم دايـم ارحبهـا

الرد الثالث من الشاعر / حمد فهبد الحربي
=
=
=

قول يابو فهيد والمعنى تمام=مد كفـك للرجـال وضبهـا
العلوم جزال والموضوع شام=والقضيـه عارفينـن ابهـا
ابها معروف ملعون الرسام=محتفظ بطرافهـا ثـم لبهـا
ياولد جمران ياوالد الكـرام=قبل نمدح جامعتنـا نسبهـا

الرد الرابع من الشاعر/ ابو هليل الحربي (ابن شماس الجميلي)
=
=
=

مرحبا يالشاعر الي تعلى فالسنـام=البيوت جزال باغلى النفايس صبها
والفتاه الي تبي دونها حد الحسام=كل شخصن هازها عقب مده كبها
العرب ياصاحبي عايشينن فالظلام=كل عالم معتبر في حديثـه سبهـا
دام نلقى فالبلد قرص وشوية ايدام=وش لنا بالديره الي خطيرن حبها

الرد الخامس من الشاعر / ذيب المضيح الاول
=
=
=

ياهلا يامرحبا عـد مـارد السـلام=بمضحي اللي فك بيبانها واسهبهـا
لغزك اللي قلت من بعد خلوه العظام=ذي خلافة مسلمين وعسير(ن) جلبها
وكان مايدعالها فعل ماهو بالكـلام=والثمن يامصعبـه للـذي يحسبهـا
وكان ماهي للقياده بعد قصد وغرام=ماتحقـق قومتـن بالخيانـه لبهـا

الرد السادس من الشاعر/ عبدالله الفريدي (ابو زياد)
=
=
=
*

مرحبا تسحب هلا تقترن بالاحترام=*بالرفيق اللي هجوس الضماير شبها
ياعزيزي من غزى مابغا داع*السلام=ومن لقى رعيةن هاملـه ماكبهـا*
وكلمة التوحيد عنها انشغلنا بالحطام=نركض بدنيا عسى الله يكافئ غبهـا
ماندور *لا شهادة ولا ذروة سنـام=همنا نكسب رضا هالعجـوز وحبهـا

الرد السايع من الشاعر / على بن زيد الفريدي (ابو خالد الفريدي)
=
=
=

لغز بن جمران وافي وله قصد ومرام=والبشركلهـا تحـت دبـرة ربهـا
صيحة راحت مع الجو للناس العظام=في اسنين هل الطب تعـرف طبهـا
لاسود اصبحت في مواطنهـا نعـام=همهـا حبهـا كيـف تلقـط حبهـا
عقب رمي الشجاعه واهلها بالـدرام=من بقلبـه شجاعـه وعـزه كبهـا

الرد الثامن من الشاعر / وجودك يكفي (الثبيتي)
=
=
=

مرحبا يالشاعر إللي وصل حد الغمام=ينقش حروف الجزل والهزيله كبهـا
ورقبة صدام بالرخص باعوها اللئـام=وحفروا له حفرة)ن(مانجا من طبهـا
والرغد عقب الرغد والسعادة بانسجام=كيف عاشت وسط نار)ن(عدوك شبها

الرد التاسع من الشاعر الشيخ/ حسين بن مريع العبيدي
=
=
=

مرحبا يامرحبابـك مكانـك فالسنـام=العلوم الغانمة جـوف راسـك لبهـا
انت لك عند الاوادم تحيـة واحتـرام=العلـوم الغانمـة عمهـا ماكبـهـا
الخلافة روحت بعد ماكثـر الخصـام=بعد كـل رز راسـه ونـاره شبهـا
والخلافة حل لغزك بعد كثـر الكـلام=ورقم لغزك حروف الضايعة واغنم بها
صفهـا بالابجديـة وتلقـى فالختـام=انهـا متساويـه يامدقـق حسبهـا

الرد العاشر من الشاعر ابو فهد الحربي
=
=
=

مرحبا بك يابن جمران يالحر الهمام=اذكر الله والشياطين تكفـى هبهـا
رمعة وحدة بسيطة على قد المقـام=ودي اشارك هل الكار وانزل خُبهـا
لزمة الرجل القديمة مثل حد الحسام=من تركها طاح قدره ونفسه سبهـا

الرد الحادي عشر من الشاعر الشيخ / حسين بن مريع العبيدي
=
=
=

هاض قلبـي شاعـرٍ قـاد قافـه بانتظـام=صحـة لسانـه وتسلـم يــد يكتبـهـا
جاب لغزٍ واسهر العيـن عـن لـذ المنـام=العلـوم الغانمـة كــل غـانـم حبـهـا
الحميـة حـل لغـزك وشدينـا الـحـزام=صيح لي واحمل عصاتي واجي واضرب بها
كـان ماجـت رمعـة ثانيةخذهـا شمـام=ديـرة الاعـراب داري ونـا ملـزم بهـا

الرد الثاني عشر من الشاعر/ عبدالله بن عنيق الحنيني
=
=
=

لغز با القمه ومعناه معنا بـا السنـام=والحقيقه مابهـا شـك حنـا بغبهـا
والصفوف وقوف والصف للجمع التحام=والفر وض والواجبه حق مـا نغلبهـا
والصلاه الواجبه فرض ما فيها كـلام=والفروض الواجبه حي مـن يكسبهـا
والخطا وارد وهذا مرماعـي والسـلام=والله اعلم جنة الفردوس من بيطبهـا

الرد الثالث عشر من الشاعر الساري ابو شمس
=
=
=

مرحبا والله وابن جمران من نسل الكرام=وللتميز بشـت اشوفـه بـدا ينصبهـا
والعرب اوضاعهم فالزمن ماهي تمـام=جامعتهـم جامعـه مـار كلـن سبهـا
القضايا حاضره والطلب طيـر السـلام=واليمين اللي كسرها الوقت من يشربها
وحدتن بالاسم والواقع تشتت وانقسام=والله يستر كيها لا يجـي آخـر طبهـا

الرد الرابع عشر للشاعر /الشيخ حسين بن مريع العبيدي
=
=
=

مرحبا بالشاعر اللي بدع زين الكـلام=دلة بالهيـل لاجـاك مضحـي صبهـا
جاب لغز(ن) بالثمن يشترى لوهو يسام=اختـراع الكيميـا يـوم جابـر ربهـا
ماحفظناها وضاعت تحت ليل الظـلام=ثم اخذها الغـرب عنـا بعـد ماحبهـا
وين ابن حيان عنا بعد صرنـا نيـام=موهبتنا روحت والعـدو يلعـب بهـا

الرد الخامس عشر من الشاعر الشيخ/ حسيين بن مريع العبيدي
=
=
=

انت سلمت وانا قلـت عليـك السـلام=مرحبابك ومـا قدمـت اقـول ارحبهـا
لغزك اللي تذكره يالمعلـم ويـن حـام=هو عهود ومواثيـقٍ وانـا ملـزم بهـا
هل هي نخوة والنـاس نسيوهـا قـوام=او هـي خطـة والعارفـة يحكـم بهـا
او هي المشي بالرجلين من صلب العظام=او هي فالدوا ضمن العشـوب وطبهـا
او هي الدار وحدة ثم راحت في انقسـام=كان مااخـذت تاشيـرة لهـا ماطبهـا
اوهي كلمـة الخـلاق اوسيـد الانـام=ماتطبـق وحنـا كلنـا نعـلـم بـهـا

مردود مني خاص على مردود ابو مريع العبيدي وهو بمثابة توضيح وتوجيه للجميع
=
=
=

بينة في ثاني اثنين ياحام الجهام=وثقة بس الخريمه كثر من ذبهـا
احتزمنا والتزمنا وشدينا الحـزام=والحقيقه حلبة الهوش ماحدٍ طبها

الرد السادس عشر من الشاعر ابو فهد الحربي
=
=
=

والله اني يابن جمران لا شيل اللثـام=عن شفاه البنت واعلى الجبين احبهـا
كاني ماهي من ثلاثه فأني جوي عسام=جيت اميز بين هـذي وذيـك اكبهـا
حكمةٍ وقيـادةٍ أو عزيمـة واحتكـام=جبت لي رمعه جديـده وهـذا لبهـا

الرد السابع عشر من الشاعر ابو فهد الحربي
=
=
=

والله انك يابن جمران تستاهل وسام=ميزة التفكير فينـا قـدرت تربهـا
الثقه رمعه جديده وعلمني شمـام=عن مدى صحة جوابي ولاتطول بها

الرد الثامن عشر من الشاعر ابو هليل الحربي
=
=
=

الفتاه الي تبي للمليك ابـن الامـام=بمؤتمر لبنان عند العـوارف نبهـا
امبادره باسم الملك نصها يعني سلام=ترجع حقوق العرب واليهود نحبهـا
يحفظ الله سيدي حامي البيت الحرام=الزعيم الي حقوق العـرب ماكبهـا

الرد التاسع عشر من الشاعر الشيخ/ حسين بن مريع العبيدي
=
=
=

حل لغزك كلمة قالهـا سيـد الانـام=قالها للصاحب وصاحبـه امـن بهـا
يوم كانوا وسط غار حدا البيت االحرام=مااحسبوا لقريش وسلاحها مع سبهـا
ثم هاجر للمدينة تحت جنـح الظـلام=مامعاه اسلاح واللا عصـا يضريهـا
معجزة للمؤمن الياحفظهـا بالتمـا م=ماتخيفـه قـوة المعركـة لاطبـهـا

الرد العشرين من الشاعر البارق الوسمي(المرواني)
=
=
=

ياهلا يامرحبـا لـوّ ماابديـت السـلام=والرجال الي مثل مضحي ارنحـب بهـا
بعد ماشفنا مع القـول رمـيٍ بازدحـام=والنتيجـه باقـيٍ مـاحـدٍ صوّبّـهـا
افزعوا للغز وان صارت ( الفزعه ) تمام=قلت مضحي مخطيا في كلامـه سبهـا

الرد الحادي والعشرين من الشاعر الشيخ/ حسين بن مريع العبيدي
=
==

مرحبا بالشاعر اللي بدع زين الكلام=دلة بالهيل لاجاك مضحـي صبهـا
جاب لغزٍ بالثمن يشترى لوهو يسام=جاب جملة سابقة ماحدٍ يحلم بهـا
كلمة المرحوم فيصل لعله للرحـام=نقطع البترول عنها وتشكي غبهـا
كان ماجا الحل ماعاد يلحقني ملام=عدت الستين والذاكرة يلعـب بهـا

الرد الثاني والعشرين من الشاعر سامي الفكر (الهويملي)
=
=
=

يا سلام الله عدد ما لاح براق الغمـام=في ليلة ظلما خيّال البـروق يحبهـا
والله انه يا بن جمران ياطانا المـلام=تاركين البنت لا ننطقهـا ولا نكتبهـا
وإلا فلسطين الحبيبه قبل ستين عـام=راحت من يدين العرب لحكمة من ربها

الرد الثالث والعشرين من الشاعر بعيد السجه(عبدالعزيز المخلفي)
=
=
=

بالبدايه لك سـلام وتحيّـه واحتـرام=والرجـال أمثالـك انعزّهـا ونحبّهـا
لغزكم يالشيخ مضحي من النوع التمام=وفيه ضربة حظ قلنـا نبـا نضربّهـا
كان ماهي ليلة القـدر قلنـا ياحـرام=رميةِ لاحّـول مـاالله ومرنـا نكبّهـا

الرد الرابع عشر من الشاعر ابو بندر الرشيد
=
=
=

رمعتك هي الجهاد يابن الكـرام=والسلام اليوم قل من رحب بها
والسلام للي جنح نحو السـلام=والمعزه لكل مسلم مخلص لربها

الرد الخامس والعشرين من الشاعرالشيخ / حسين بن مريع العبيدي وهو رد الحل الله يبيض وجهه
=
=
=

انت تقصد على عقد اتفاقٍ بيننامثل النظام=اتفاقية وقت النوايـب كلنـا نلـزم بهـا
او تدور على مال مجمع محتسينه للخصام=محتسينه لطامع في ديرنا هب وإلا دبهـا
مابقـي عنـدي إلا ماذكرتـه والـسـلام=تسلم انـت ومـن يسمـع ويقـرا لبهـا
عاش من هندس وغنى ودمتـم فالختـام=والمخاليق دعها تحت حكمة ودبرة ربهـا

صح الله لسانك يابو مريع على هذا المردود الجزل وصح الله لسانك على الحل وهذا البيت هو حل اللغز

انت تقصد على عقد اتفاقٍ بيننامثل النظام=اتفاقية وقت النوايـب كلنـا نلـزم بهـا

والجواب صحيح واليك والي الجميع مع التحيه هذا المردود
=
=
=

اوقفو الرمعات دام الهدف روح حطام=صابه اللي رميته في الضريبه صبها
معاهده بين العرب يامروين الحسـام=واي دوله يعترضها عـدو مانكبهـا
الدفاع المشترك اتضح هرج وكـلام=العهـود موقعـه والخشـم وحبهـا
بس فالواقع ليا دخنة ربعـك نيـام=دواء من روحك جروحك ودور طبها

نعم الحل كما تفضل ابو مريع فالبيت الاول من مردوده وهي (معاهدة الدفاع المشترك بين الدول العربيه )
وهي معاهده بين كل الدول العربيه ومضمونها (انه اذا تعرضت اي دوله عربيه لااي عدوان فان كل الدول العربيه ملزمه بالدفاع عن هذه الدوله بموجب هذه الاتفاقيه اللتي سميت
((معاهدة الدفاع المشترك))
ولكن لم يعمل بها رقم توقيعها من كل وزراء الدفاع العرب انذاك

ملزوم اراسل محتمين المواقيف

اكتب وراسل محتمييـن المواقيـف=عنـد النشامـا مايضيـع الثمينـي
مكشوفةٍ ماهي بجوف المظاريف=ماتحتويـه لمـن قراهـا يبيـنـي
ماشكي على المخلوق قل المصاريف=ولاني بغيـرك خالقـي مستعينـي
ولاني على الدنيا كثيـر التحاسيـف=واللي ماهو مكتوب لـي مايجينـي
لاساوقـت يجرهـا مبـرم الليـف=لوكـان ماهـو بالجويـد المتينـي
ولاعاضبة صعبه ولاهي على الكيف=قبلي شكو مـن جورهـا الغانمينـي
ياعين لاتشقين في بـارق الصيـف=فيه المثل مـن ماضيـات السنينـي
سحابته يمكن مطرهـا عواصيـف=مدري يعكـر جـو بيـن الثنينـي
معا الدهـر يامكسريـن المجاديـف=غنو بهـا مسحـوب وإلا هجينـي
حيث اللقافه من طبـوع الملاقيـف=اللـي تبـا لـو فالقشر تستبيـنـي
لاغرا عصافير الخشـاش التناتيـف=الحـر مايغريـه غيـر السميـنـي
مهما يكون اروم روس المشاريـف=وارجم على اليسرا بليـس اللعينـي
الضيف مايقريـه نظـم السواليـف=لاصـار وجـه معزبـه مايلينـي
البينـه تقـنـع بلـيـا تحالـيـف=واللـي تجاهلهـا عليـه اليميـنـي
امـد يمنايـه لـكـل العـواريـف=والله لذربيـن الايـادي عويـنـي
ملزوم اراسل محتمييـن المواقيـف=عنـد النشامـا مايضيـع الثمينـي

حلفت مارافق الهماز

الله عـلـى الـلــي لـشــم الـقــاز=مـخـروش مــن يطـعـم الـقــازي
مـشـروبـه الـصـافـي الـمـنـتـاز=مـاشـربــه غــيــر مـنـتــازي
فـكــس ار ابـيــض ولايـعـتــاز=غـايـة طـلــب كـــل مـعـتـازي
سبيـريـن وفتـحـه مـعــا هـــزاز=مـــع الـسـهـل والــوعــر لازي
واللـيـت لـيــزر مـــن الـقـمـاز=قـمـرا بـعــد سـحــب قـمــازي
صـنـع افـنـس مـاهــر بـنـجـاز=جـــاب الـمـقـايـس بـنـجــازي
عـلـى البـنـوز السـريـعـه نـــاز=لـدسـت لـــه قـدمـهـن نـــازي
حـلـفــت مــارافــق الـهـمــاز=جعـلـه عـلـى الـوجــه هـمــازي
اجنـب الـلـي ضــرب بــه فــاز=ملتمـسـتـن فــيــه الافــيــازي
الـشـلــخ لــصــار فـالـقــزاز=مايضـبـطـه كــــل قــــزازي
مـارافــق إلا رجـــال عــــزاز=يـجـذبـنـي الــــود لــعــزازي
يالله مــــن مــدتــك نـعـتــاز=مــدك لـــه الـخـلـق تـعـتـازي
غـيــم عـلــى دارنـــا ركـــاز=مــع بــادي الـوســم ركـــازي
بـرقــه شـلــع والــرعــد رزاز=يـــــزلـــــزل الارض رزازي
مــن مزنـهـا والـمـطـر خـــراز=لعطـشـانـة الـجــوف خــــرازي
يلـيـن رويـــت بـــه الـعــزاز=ولاعـــاد لـلـسـيـل تـعـتــازي
بـعـد الـشـهـر عشـبـهـا نـــزاز=مـتـسـاوي الـــروض والـنــازي
مـنــوت راع الـــذود يــافــواز=طـيـاحـهـن فــيــه فــــوازي
ذود افـتـخ(ن)قـدمـهـن قـــــزاز=لـطـيــب الــخــد قـــــزازي
مثل الطهيمي ابو فواز=وإلا الشدادي ولد جازي
لـلـطـيـبــه دايـم(ن)يـنــحــاز=لاهـــل الـجـزيـلات مـنـحــازي
وعـن طــرد ريــم الـفـلا مـاجـاز=لــو بـيــن الـشـيـب مـاجــازي
لـشــاف مـــن خـدهــا لـعــاز=دقـــات قـلـبـه تـقــل عـــازي
عـيـن اشـقـرن مخـلـبـه جـــزاز=فــي طـايـر الـجــول جـــزازي
والعـنـق ريــم تـقــود اجـــواز=تــذيــرة قــــدم الاجــــوازي
والنـهـد فالـثـوب حـــط حـــزاز=مـركــوز لـلـثــوب حــــزازي
لـكــن دمـــه مـــن الـقـوقـاز=مــدري مـــن المـانـيـا نـــازي
لــو شـافـه الـلـي عـلـى معـكـاز=هـــرول سـلــم دون مـعـكــازي
مايـمـنـعـه دونــهــا حــجــاز=يــعــدم ثـمـانـيـن حــجــازي
اهـنــي الـلــي بـــوده فـــاز=كــــلٍ يـهـنـيـه لــفــازي
حــول لـهـا الـحـر هــو والـبـاز=وقـفـا بـهــا وافـلــس الـبــازي

طلب وظيفه الشاعر.../ عبدالمجيد سفاح المريخان الحربي. ببيتين. من الشاعر.../ مضحي بن جمران الحربي.
أبيات الشاعر.../ عبدالمجيد سفاح المريخان الحربي.

انا تعبت مـن العنـا والبهاذيـل=وعجزت للقـا بالدوايـر وظيفـه
ونخيت ابن جمران عقب المشاكيل=مضحي ولد جمران نعم الخليفـه

رد الشاعر.../ مضحي بن جمران الحربي.

ان وفـق الله يالبناخـي تساهيـل=والمـد مـده والاوامـر بكيـفـه
لو الوظايف فالمعارك على الخيـل=نخيت مروين السيـوف الرهيفـه
حرب الحرابه شاربيـن الفناجيـل=اهل الجمـوع الهايلـه والمخيفـه
لاشك ماهي في حميـا الرياجيـل=حالت عليها ايدين ماهـي نظيفـه
لعبد المجيد اببذل الجهـد بالحيـل=عساء جهودي له تجيب الوظيفـه
ان عاضبت تصعب على كل حلحيل=ولاهي بكيف اللي فزعلك بسيفـه
وان قاودة عطشانها يـارد النيـل=وارضه من عقب محلهـا مريفـه
ياراعي العرفـا فـدوك الماهبيـل=سلمت يـاراع العلـوم الطريفـه

[/align]

إنفجار المحفظه

قلت اتـداول اسهمـن فيهـن ريـال ملمسـن=فيهـن ريـال نائمـا عبـر التـداول عائمـا
جبنا قروض من البنوك كفيل مع رهن الصكوك=دويتـهـا وعميتـهـا ياليتـنـي خليـتـهـا
ياصحابنا وش العمـل الحـب واكلـه الجمـل=مادري من اللي حاسنا قلـب تـوازن راسنـا
من قبـل ماندعـي عليـه للحـق يالله تهديـه=رحنا ضحيه للديون مثل الهدف قـدم العيـون
مثل سونامي قلت اشد يعنـي كـوارث ماتعـد=من دون لاقسم بالقسم كـل الرويتـب ينحسـم
كله من اللـي غرنـا يهـرج وهـو ماسرنـا=امحلل يعطـي كـلام ولاهـو ينـادي للسـلام
يقول هج من الخشاش اسهمه مافيهـا عـراش=اما القياديه تمـام تشـراء ولـو فيهـا حـرام
طعناه جعله مايفيد فينـا المحلـل جـاب عيـد=والسوق عجل الانحدار ماهو بتصحيـح انهيـار
ماضاع من جيبه فلوس مرتاح ويـوزع دروس=والسوق هاموره رقا من جيب مسكينـن شقـا
يهب يالشخص الملوص ضيع له ناسٍ ماتغوص=يعوم وحنـا مانعـوم ولاهـو بحالتنـا رحـوم
بلاف لـو انـه حكـا قبـل المخاطـر يفركـا=اثره يهرج من فراغ لاجا صحيـح العلـم راغ
بشـر مؤشرنـا رقـا بالله معنـا وش بـقـا=بالمحفظه بس الاسم والسالـب اللـي انرسـم
ياليتنـي ياليتنـي شريـت لـي ذود وغـنـم=ولا فتحـت المحفظـه اللـي بهـا ثـار اللغـم

ارسل للشاعر من صديق له , لعبه شعريه قوافي x قوافي
وهي عباره عن كلمات يرتبها المرسل للشاعر ويقوم الشاعر بتركيب الكلمات على قصيده.
. وقال معك اسبوع وازعل شاعرنا ابو احمد وخلال ثلاث دقايق وهي عنده طبعاً قصيده كامله كما هي هنا فالنص

وهذه القوافي الخاليه اللتي ارسلت لشاعرنا

الموت=الاحاسيس
مبخوت=القرانيس
الصوت=الهواجيس
طاغوت=أبليس
بيروت=المفاليس
مكبوت=محابيس
إسكوت=الفيس(الوجه)
بشوت=فريس
تابوت=القواميس

الموت ماهو ساعةٍ لا لفاء الموت=الموت والله صار موت الاحاسيـس
النمل أبوجنحـان ماهـو بمبخـوت=من يوم زاحم بالرفاع القرانيـس
لافات فوت أظـن ماينفـع الصـوت=طوح لحن وتخف عنك الهواجيـس
كان الحكي فضه ترا الصمت ياقـوت=يفوز فالجزلات من يرخـي الكيـس
اللي يصاحب له من الناس طاغـوت=مثل موثق بالصداقـه مـع أبليـس
ناظر جنوده ويش سـوت لبيـروت=يالين راحـو كـل أبوهـم مفاليـس
تفجرت اعصاب من كـان مكبـوت=ثارو غضب اللي من أول محابيـس
وناس تفرج مالهم شـون وسكـوت=ماسالمٍ منهم من المشكلـه فيـس
واهل الثياب البيض والعقل وبشوت=ماغير في توقيعـة الشيـك فريـس
وكل ٍ يفصل له وهوحـي تابـوت=وعبارةٍ من طيبـات القواميـس

محاوره مع العين

عيني وشبك ماهتنيتي فالمباتي=كل ماجيت أرجهن جالك دعيه
والله إن الصبر غلق والسكاتي=بيني دعواك مابيها خفيه
هو أنا مسهرك لأجل المترفاتي=او حرمتك نوم لأجل العسوجيه
عيني اللي عرضتني للشماتي=وش جرالك وش بلاك إمعانديه
عيني اللي قربتني للماتي=ماعرفت العين وش جاها عليه
ليت وإنك تاركتني في سباتي=ماوضعتيني لنظراتك ضحيه
بس هاتي قصتك ياعين هاتي=الخوي ياعين مايخدع خويه
قالت انته داريٍ باللي نحاتي=وانت داري في فصول المسرحيه
لاتغيبا معي واخذر ياغناتي=والله إني ماأظلم النفس البريه
شفت واللي شفت بالواقع ثباتي=يلزم اللي في ذره من حميه
شف بنات أهل العراق ميتماتي=يحرقون كبودهم حرق الشويه
الحقيقه جتك دون مجاملاتي=ماهرجنا معك غير بحسن نيه
قلت انا ضمي مع الحزمه عصاتي=عسكري لو ماعرفت العسكريه
لو فزعت بخنجري وإلاقناتي=كيف اطول الطايرات المروحيه
سببت عيني علي ملاحظاتي=يالله استر من الرجال الداخليه
ماتخلص غير لاشافو ثباتي=لأجل من الزلفي عناوين الهويه
السوابق في سجلي خالياتي=بس إسمي والعيال بلا خطيه
لاتصعب شي يترك للولاتي=كفنا بكفوفهم والنار حيّه
الله إنه يجمع قلوبن شتاتي=تفزع السنه بصف الجعفريه
غربها يفزع لسكان الفراتي=وشرقها كله حرارٍٍٍ صيرميه
التفرق فقر والجمعه غناتي=نصرنا جمع القلوب اليعربيه
العدو لو هو تسلح طايراتي=النصر حليف وحدتنا القويه
أبو متعب مايبي لحدن وصاتي=فيصلٍ فيه نخوه فيصليه
راسين مثل الجبال الراسياتي=مايهزك ريح يابو الغايريه
قاسين واقساء من جبال السراتي=العدو ماله بقلبه مرحميه
ابن من احفا ظهور المسرجاتي=لين ساد وجاد في حكم الرعيه
من معزي به ثلاث مواصفاتي=الشجاعه والكرم والقابليه
يجذبونه شمر أهل الطايلاتي=والعروق تورده للوايليه
مير ياعيني تغطي فالعباتي=واستريحي من عناك بوسط فيه
ماعليك من الذياب القانباتي=وكلي خالقك ثم اهل الحميه

الوضع يالغالين نساني

الوضع يالغالين نساني طواريـق القصيـد=وليا استمعت لنشرة الاخبار طار العرف طار
وسرابي الهاجوس عن نظم القوافي للنشيد=واحتارت الافكار مثل اللي يقـول الانتظـار
في كل لحظه والرحاء تطحن وتشره فالمزيد=وحنا هوايتنا التطفل خبرونا ويـش صـار
مرت علينا دروس والنايم ماهو بالمستفيـد=وليا صحا من نومته نقول خـلاك القطـار
عبر بتصفيقه بليا صـوت بالكـف الوحيـد=وتستفزع اليمنا بيسرهـا ويسراهـا دمـار
وحنا نتصفح دفتر التاريخ للماضـي نعيـد=يمكن نحصل في رفات المقبره طـلاب ثـار
وليا احتفلنا فالسنه في مقدم العـام الجديـد=عام انهزام العام حولنـاه عـام الانتصـار
يأمة الاسلام كان المال صرنـا لـه عبيـد=من دون شك الدار ياهل الدار ماهي والعمار
بعد الجفاف النخله ام الطلع زاد ابها الجريد=وكلٍ يخم من الجريد الهش ثم يشب نـار
واختلفو اهل الراي هذا منتحـر وألا شهيـد=قال الحكيم اللي كلامه صح بلـوا واختبـار
بس الوكاد ان القيامه قربت ماهـي بعيـد=شارات شفناها ولا متبقيٍ غير الكبـار