ديوان/// الشاعر مسند بن عامرالحويفي

[FONT="Arial"]

قصيده في احتفال الجلعود في رالي حائل الدولي لعام 1429 / 2008

يالله يامرسـي الجبـال المنيفـات=
ارسيت فيها الارض ونبتن الاشجار =
وسيرت بالدنيا بحـور ومحيطـات=
وخلقتنا بالكـون عـلام الاسـرار =
ندعوك تغفر كـل ذنـبٍ وسيـات=
عفوك عن الزله ونجوا من النـار =
وخلاف ذلك جيـت ازف التحيـات=
مبروك للجلعود مبـروك ماصـار =
خيامن على فعل المعالـي مبنـات=
وحيلن تقلط والمباهر علـى النـار =
من لابتنٍ يوم المواقف عسيـرات=
ترسى كما الاطواد صلبين الاشوار =
اهل سميـرا بالكـرم والمـروات=
هذي صفاتن واتصفبه هـلا الـدار =
يوم الركايب بين روحـه وجيـات=
يوم اليدين شحاح معروف الاخيـار =
سعود ابن جلعـود راع السجيـات=
ياما تعب للطيـب ماقـال ابنهـار =
وكل القبايل فيهم الطيـب شـارات=
وكلن على المنهاج ينهج ليا سـار =
ولولا غلاكم مامشينـا المسافـات=
ومزاور الجيران حقن على الجـار =
وصلاة ربي عد ممشى ومسيـرات=
على نبيـن بيـن الديـن صبـار =

الصاحب الغالي تغير علينا =من دون سبه صار يشره ويزعل
اللي ليا شفته بشوفه سلينا=واليوم له مده من العام ما يطل
نشفق على مثله وخطه قرينا =مثل الذهب ما احدن يعافه ولا يمل
تهديه يالهادي وحنا تهدينا=ودنياك مثل اللي مقيل بله ضل
الضل زال وقال شمسه علينا =من عز نومه قام مسرع ومذهل
ولاينفع الانسان مهما مشينا =الا رفيقن يأمر بخير ويدل
وعمر الفتي قدر بحتن ويجينا=والعمر قصاف المنايا له يشل
وناسن يسار الدرب واللي يمينا=وسبحان من للخلق ممهل ولا اهمل
وقولوا معي ياللي سمعتوا امينا=يهدي جميع اللي عن الحق لضل
الحب عذبنا وحنا انتهينا = ياما عيوني تسهر الليل وتهل
ولابه فوائد يوم تكسب يدينا =الا العناء والقلب مجروح ويتل
ياما صدقنا بالمحبه وعطينا =حتى الوفاء للحب يزمي ولايقل
وياما ذبحنا العشق وفيه ابتلينا =نظرب على الكايد ونرقى على التل
لكن شفنا بالزمن مابغينا =دب المرض بالناس مدري بهم عل
قل الوفاء بالناس وقل اليقينا =امساسنا لزاد الاحساس ينفل
يالله يالوالي بقسمك رضينا =وقتن مضى هو غير واهله ترى بحل
للازم نساير وقتنا لو كمينا =وحنا بخير ونحمده ما بنا قل
ولاتفكر المنزل وموتر شرينا =والا حسابك والمحافظ ترى فل
ترتاح ولاتنسى تقول اهتنينا =متعه ترى تقفي وللبعض تقبل
لاتسكن بقلبك وهي بالايدينا =شف للذي خلف من المال والبل
بس الكفن وجنازته دافنينا =بالقلب خل الدين راسي ولاتمل
وهرجي ترى للكل ويشر الينا =واستغفر الله من ذنوبك وله صل

	هذا جديدي بعـد يومـي وعيـدي=مابه مسره من عنا الوقت محتـار والشجرة اللي ماتضـل العبيـدي=قطعه ترى اولا لو تساقتها الامطار والهرج ماينفـع ولاهـو يفيـدي=والحسد عم الكون وادمى بالاشرار ترى الحضيض اللي بحاله وحيدي=ماحس في جمر ن بجوفه ولانـار يابـو محمـد وهنـي البلـيـدي=ماشاقه اللي شاقنا يابن الاحـرار وعطنا من القيفان وجزل النشيدي=والله ولي الخلق عـلام الاسـرار وهذاردي عليهالصارم : اهلا هلابك يابو عامر وازيدي = ازكى التحايا الطيبه يابن الاخيار حتى إيش مالٍ في رصيد الوليدي = وحتى ايش لو كثرو شيوخٍ وتجار ياصار ماتنفع قريب وبعيدي = ياعلها من غير حاسد حطب نار الخير راع الخير ذكره حميدي = الله يابرق الحيا .. النافع الضار من لافزع بالجاه وإلا المجيدي = والا كلام الطيب.. عده ولاصار عسى السعاده فيك عدٍ عديدي= وعساك من خير الولي تسعد الجار يستاهل المطنوخ يحيا سعيدي= و والا الردي طاريه من سقط الاذكار

=============

كثر المعاصي تمرض القلب ينهـار=
كثر المعاصي ظلمة فـي فؤادي =
والبعض هالك بالمصحات وشهـار=
هذي نهاية كـل مجـرم وغـادي =
ياشيخ نطلب منك مـره وتكـرار=
ندعي لكم واللي إستضافك لنـادي =
الذكر مثل السيل وأن عم الأقطـار=
يحيي القلوب ومنه تحيـا البـلادي =
من طاع ربه صار ناجي من النار=
ومن تاب ربـي غافـراً للعبـادي=
يمهل ولايهمل على كـل ماصـار=
إحذر سخط ربك وكثـر العنـادي =
الخير بالطاعه ومجلاس الأخيـار=
إمسك على دينـك وخلـه شـدادي =
دنياك هذي كلهـا علـوم وأخبـار=
أما قويت النفـس راحـت بـوادي =
عمر الفتى ياشيخ محدود الأعمـار=
أمـا فـرح وإلا بوجهـه سـوادي =
وصلاة ربي عـد ماهلـت أمطـار=
عد الشجر وعداد حصو الجمـادي =
على الشفيع اللي له الرب مختـار=
محمد رسـول الله مبلـغ وهـادي =

البارحة نومي على الكتف والكـوع=
عزي لمن نومه على راس كوعـه =
واقلبي اللي بين الأضلاع مفجـوع=
يبي السلامة ميـر زادت فجوعـه=
أقنب قنيب اللي هلك ميت ٍ جـوع=
صوتة تقاطيـعً وبانـت ضلوعـه=
وماتمشي الدنيا على الكيف والطوع=
وإن ساعفت لك يوم تطفي شموعه=
الله من رجلا ً تعـذب ومصـروع=
دنيا الشقى كم من عزيزا ً تلوعـه=
أوصيك ياعامر عن الزود والفـوع=
عيبا ً على الرجال يغيـر طبوعـه=
ولاتصير منانا ً وترجع على التوع=
هذي صفات (ن) في صفاته دنوعه =
ترى النخل كلن يناظر بـه فـروع=
الأصل بالتربـة وتسقـي فروعـه =
ولاتصير تبع وخلك اليـوم متبـوع=
مابـة حياتينـن ونبـذر زروعـه =
وأفهم وصات الوالد مجرب النـوع=
نوع البشر واجد مذاهـب وسوعـه=
ولازم يجي يومن وتحصد به زروع=
وإندم على الفايت وسيـل دموعـه =

انـا تـرى مـخـلـوق مـن جـمـلـة عـبـــاد = ابـا تـواضـع واتـرفــــع عـــن الــــــطــيــــــش
واكره صفات الكذب واللـــى بــه عــنــاد = احــس فــي ضعـفـه وقـلـبـه كـما الــريــش
واحــب راع الـصــدق مـن ربـعــأ اجــــواد = أقــف مـعـه وأجــتــاز كـــــل الــمــداقــيــش
مــانــغــيـر سلــوم الـعـرب سلم الاجداد = لــو نــخــســر الاحـبـاب مـع مـالـنـا ويـــش
وألــلـى جهل يــمـشى مع الناس نشاد = ولايـهـمـنـا هــرج الـقـفــى والــخـفافـــيش
والـــحـــر حـــرا يـنـقـلـه كـــل صـــــيــــــاد =لــه مــنـــزلـــن عــالـــي ولايــنــزل الــهيش
والا الــردي وش حــاش بالــكــون وشـعاد = مــالــه وبــاء يــبـشـر بـســود الـمـنـاقــيش
تـــرتـــاح لــلــعــاقـــل على روس الأشهاد = والـــداب لاتقــربــه يــلــدغ إلــيـــا نـــيــــش
واطــلـب ولــي الــخــلـق والـنــاس هـجاد = الــواحــد المــنـشـي مــزون الــمـــراهـيش
يــغــفــر لــنـــا الــزلــه وزلاتــنـا عــــــــــداد =و الله كـــــريــــم و كـــافــلـــن لقـمــة العيش

ايديك بيضاء تبذل الخير وتجـود=تشبه لهتان المطـر مـع رعدهـا
كل السجايا فـي محيـاك وتـزود=كل الشعب حبوك وانتـه سندهـا
ياخادم البيتين وعن دينك اتـذود=سنينك عسى ربي يطـول مددهـا
في عودتك نفرح ترى افراد ووفود=فرحة حزينن والسعاده وجدهـا
لك الولاء ماننقض العهد وعهـود=كفك نديـه كـل شعبـك عهدهـا
الاسرة اللي من سلالت هاكالعـود=حماية الاوطان ولا احدن ضهدهـا
هي عزنا فيها ذرانا عـن الكـود=الله يحفظه عن بغيضـن حسدهـا
ويالله عسى الحاسد مشتت وملهود=وتبقى الوطن في عزهم مع رغدها
بحماك ترفرف راية العز بسنـود=رؤيتك نبض (ن) لقلوب وسعدهـا

	المشاركة الأصلية كتبت بواسطة برق الحياء

	ياهيه ياعداد الاحصاء بوصيك = خلك من الناقص وحذرا تعده لخير في عده ولو هو بناخيك=بكل المذاهب ما نفع لو توده اللي وراء البيبان تسمع يحاكيك=ودك عليه البيت من اعلا تهده لا منقصن عده وزدة الصعليك =و لهو حزامن بالمواقف تشده حتى هله عافوه والله يوريك=الخوف فيه وتقل الاسحم يحده اوصيك يالعداد والله يخليك=لاتترك الطيب ولو غاب مده عدوه عن عشره عسى الله يعافيك= يفرق عن الباشق حصان الاشده واحذر ترى الشيطان والنفس تقويك = اخص انا المحصي بروحه ورده امانتن في عنقك الله يراعيك=حافظ على سرك و لاتذيع سده الناس نوبن هي تناظر مماشيك=زعلوا عليك او قالوا الله يرده

==============

	المشاركة الأصلية كتبت بواسطة

	مريت قافن زاهي الطيب ريحه =شاقن رفيف القاف واشتاقت العين من شاعر(ن) جاب العلوم المليحه=عاقل وله خوه على الطيب و الزين قال الكلام اللي يهيض قريحه =قال الصحيح وجاب صدق المضامين بيوت(ن) كما الريضان فيضه وشيحه=هدف وهو صاب الهدف و النياشين اثنى على اهل الطيب شامخ مديحه=والطيب تاج (ن)للرجال الشريفين ولا خير في بعض العلوم القبيحه=اللي بطعناته سهوم و سكاكين ونقول للمخطي عسى الله يبيحه= الهرج نوب حنظل ونوب(ن) رياحين وعسى الرداء يبعد و عنا تزيحه=ولا اسلك دروب الغي وناس مضلين واقدر اهل الطيب من اية شريحه=واطيب بلسان البشر والملايين ويالله عسى ما انطق هروجن جريحه=وتسلم على الابيات عد الملبين اوعد بير (ن) زايدن في نضيحه=وتم الكلام اللي منزه عن الشين من شاعرن حب العلوم الصريحه=والله كريم يبدل العسر باللين

-----------------------------

العيد قرب واسهرني جروحي=جرحن على ماقيل من العام ماطاب
وجرحن جديدن فوق غيره بروحي=حتى الفرح ياعيد في ناظري غاب
افراحكم ياعيد لو به مزوحي=حاولت اشارك لكن القلب منصاب
لو عادتي والله بشوش وسموحي=لكن ميل الوقت لمال ينهاب
ياما صعدت بعاليات الصروحي=حتى عرفت ان الزمن سكر الباب
وافراحكم صارت بصدري تنوحي=وشلون ابفرح بين عاذل وكذاب
اول احسبه لي صدوقن نصوحي=كذاب خداعن على الناس للعاب
من بعضهم ياعيد كبدي تفوحي=سبحان من بيده تصاريف الاسباب
اودع عفون الناس بعال السطوحي=وان عد نفسه من عريبين الانساب
ياعيد لو تاتي علينا وتروحي=افراحكم ذبلت ويبس(ن ) الاعشاب
منك السموحه واعذرن يوم ابوحي=مما بقلبي يوم ظني بهم خاب
بعد النظر هو من صفاتي و شوحي=افضل من اللي مهنته شذب الاحباب
وانا بحر لو يزمي مطركم سفوحي=والعقل له هيبه و تقدير واداب
نعمه من الله مايجيك بطموحي=وهبه من اللي للجزيلات وهاب
وبرقن مقفي يوم اشوفه يلوحي=ما اتبع ترى المقفي ليا اقفى ولا اغتاب
وخنجرك مسمومن وانا لك نصوحي =ياشين من يكره من الناس كالداب
صديت عني يوم انادي و توحي=,والعيد ماهو لبس مقطع وهنداب
العيد له طابع بورده يفوحي=ياليت من يفهم كلامي ليا انساب
ياكثر من يسوى لعيني وروحي=خسرتهم من عقب ماهم لي احباب