وكل القبائل وافيـه مـا يهونـون=الطيـب فيهـم والكـرم والبسالـه

الحميدي بن سعد السبيعي
الله يبيض وجهك ووجه الشاعر مفلح الشهراني
عزالله ماقصرت بالقصيدة وردها

	المشاركة الأصلية كتبت بواسطة الحميدي السبيعي

	يا راكبٍ مـن عندنـا فـوق صالـون=تـوّه جديـدٍ مـن حفـيـز الوكـالـه آخـر فخامـه قيمتـه ربـع ملـيـون=وراعيـه وصيتـه بنـقـل الرسـالـه يلفي على رجـل ٍ لـه الطيـب قانـون=وما يكسب إلا الجـود والطيـب فالـه تنصى السويدي بو سعد راعي العـون=والطيـب فـاده مـن جـدود وخوالـه من روس قـوم ٍ فالصعيبـات يبـدون=يبـدون ويسـدون فـي كـل حـالـه أهل الثلاث البيض من عصـر قـارون=سبيع ساس الطيـب سـاس الشكالـه ويابو سعد قلبي مـن العـام محـزون=وأركى عليه الوقـت وأتعـب أرحالـه علـى وليـفٍ حـط فالقلـب غليـون=وقلبـي بعـد فـرقـاه زاد اشتعـالـه وبين الرجاء والياس عايـش ومفتـون=وابن آدم ٍ مـا كـل مـا شـاف طالـه وأن قلت لي مزيـون بالحيـل مزيـون=وأن قلت وصفـه قلـت محـدٍ مثالـه يكفيك شوف البرق في عالـي مـزون=ويكفيك شوف الشهر لا أكمـل هلالـه وعكش الرموش اللي بها الكحل مسحون=وسلهـا متيـن ٍ تحـرج اللـي عنالـه وعلمي على وضح النقاء صار مصيون=أمـن العبـث والمصلحـه والجهـالـه وأنا على مـا تامـره صـرت ممنـون=وأنته من أهل الطيـب وأهـل الجزالـه وتطـول يـا راع المواجيـب وتمـون=والعلـم وصلـك وأنـت راع الجمالـه والله عطـاك الـرد لاشهـر كـانـون=واللـي مثـل شـرواك كلـن شكالـه وقد رديت على الشاعر مفلح بالقصيدة التالية يا مرحبا ترحيب وافـي ومـوزون=موزون عن درب الخطاء والعيالـه بالشاعر اللي صاغ قافه على النون=يبدع جديد الهيض يـوم أستوالـه يبدع جديد الهيض بأفكـار وفنـون=شاعـر وعنـده للمعانـي جزالـه مفلح عريب الجد والرأس دنـدون=دندون في وقـت القسـا ينعنالـه من روس قوم ٍ في المواقيف يافون=رجالهم يـا فـي وتعـرف أفعالـه شهران قوم ٍ فاللقاء مـا يهابـون=يردون حوض الموت وقت اشتعاله يا طيبهم في حزت الضيق يشفـون=صدر الغليـل اللـي وحيـدٍ لحالـه تاريخهم معروف من عصر هارون=كلن ذكرهم من عصـور الجهالـه قلته وربعـي فاللقـاء مـا يذلـون=سبعان قـوم ٍ تحتمـي كـل قالـه سبعان يوم الناس طاعن ومطعـون=يروون حدب أسيوفهـم بالصمالـه وكل القبائل وافيـه مـا يهونـون=الطيـب فيهـم والكـرم والبسالـه ويا راكب اللي يطوي الخط مصيون=أسرع من الميراج يسبـق أظلالـه بنز ٍ جديـد ولا شرينـاه بديـون=أيضا ولا من قيمتـه لـو حوالـه كاش ٍ على الكبوت ما فيه عربـون=حسب الطلب شاريه لهـل الشكالـه من شركته شاريه باثنيـن مليـون=وزودٍ عليها ألفين صرف العمالـه آخر فخامة فيـه حتـى التلفـزون=وأزريت بالتوصيف لا صف جمالـه أبغيه للي من هوى البيض مشحون=صابه هوى الخفرات وأتعب خيالـه مهديه لك يا خال وإبليـس ملعـون=والرجل محـدٍ يعْـذِره دون خالـه أبشر بعزك والطلب صار مضمـون=إنكانهـا بالمـال قلـنّـا سهـالـه سقت المهر يا خال مهما يقولـون=لو يطلبـون أمـلاك جـده بدالـه وإنكانها بالسيف فالسيف مسنـون=ندهن ثوى من وقفـوا لـك نذالـه ندهن ثوى الحساد حتـى يتوبـون=عن الحسد يا خـال ويّـا النغالـه وتصفي لك الأيام والرزق مخـزون=عند الكريم اللـي عظيـم ٍ جلالـه وتصبح حقيقة عقب ما كانت أظنون=والعمر مهمـا طـال ياتـي زوالـه والرد وصلك مـا تحرّيـت كانـون=ومـن ينتظـر كانـون واعزتالـه وأختامها بالمسك والعُـود مقـرون=من شاعـر يفـزع بحالـه ومالـه أخوكم الشاعر / الحميدي بن سعد السويدي السبيعي

ابو سعد بيض الله وجهك

صوت وصدى رااااااائعين لشعرااااااء


صح لسانك انت والشهراني


الف الف تحيه وياهلا فيك في محلك

صحت السنتكم

وبيض الله وجيهكم

ومرحبا مليون بالشعار الكبار

	المشاركة الأصلية كتبت بواسطة فيصل حمود الوافي

	ياسلام ياسلام صح لسانك ولسان الشاعر مفلح بن عمير الواهبي الشهراني بيض الله وجهك على الاخذ والرد الرائعين جزله في جزله

الاخ فيصل حمود صح بدنك يالقرم ولاهنت على
مرورك العطر وكلامك الطيب وتقبل تحياااااااتي

صح لسانك و بيض الله وجهك على هذه القصيدة

بيض الله وجهك اخوي

	المشاركة الأصلية كتبت بواسطة سالم الفريدي

	صح لسانك ولسان الشاعر مفلح الشهراني .. قصيده رائعه واحساس اروع .. أسجل اعجابي ويعطيك العافيه ..

الاخ سالم الفريدي صح بدنك يالقرم
ولاهنت على مرورك العطر وتقبل تحياتي

	المشاركة الأصلية كتبت بواسطة ابوروان النويمي

	صح لسانك واعتلى شانك وبيض الله وجهك ... وصح لسان الشاعر مفلح الشهراني الله يعطيك العافيه ... على القصيدة الرائعه.... لا عدمنـــاكـ وننتظر جديدك.... اخيك ابوروان

الاخ الغالي أبو روان صح بدنك يالقرم
ووجهك أبيض ولاهنت على مرورك العطر

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

تحياتي لك على هذه الجزله





صح الله لسانك ولا هنت




تقبل تحياتي