يمكن نحرر يوم باقي فلسطين

	المشاركة الأصلية كتبت بواسطة ناصر الحربي

	تجول في داخل نفوس المساكين= والناس كلن يصطفق في همومه تغيرت ضاعت جميع الموازين=وراع السلوم الله يجمل سلومه اليا رقد بالليل تقريب ثنتين=يصحي ويصبح مبتلش في حلومه الناس عدوا وكسروا عام اللفين= وبعض البشر باقي يعدل هدومه صارت اماني شعب عدى ملايين= متى على الله يهتني في قدومه يمكن نحرر يوم باقي فلسطين= وراعي العزوم الله يقوي عزومه بس الأكيد الدين يبقى هو الدين= وراع الطلب لابد يقضي لزومه ان ما قضاه اليوم بكره بعد حين= معلوم مايرتاح حتى بنومه مسكين يحلم في حلوم السلاطين= بس ابتلش والحلم صعبه رسومه ياهل العقول الحلم مقسوم قسمين= حلم الغضب واحلام ليل ونجومه مدري متى ناصل ونمشي على وين= وليت الزمن ينطق ويكشف علومه

.
.



الغالي ناااااصر الحربي


ابيات جزله يابو عناد


معنى جزل ويطرق القلب على السندان


استمتعنا بهذه الرائعه اللتي حركت مشاعرنا



الله ينصر عباده ويعز كلمته
.
.
.
الف الف الف تحيه يابو عناد

	المشاركة الأصلية كتبت بواسطة محمد عبدالمحسن البدراني

	. . الغالي ناااااصر الحربي ابيات جزله يابو عناد معنى جزل ويطرق القلب على السندان استمتعنا بهذه الرائعه اللتي حركت مشاعرنا الله ينصر عباده ويعز كلمته . . . الف الف الف تحيه يابو عناد

محمد البدراني

صح ابدانك يابو عبدالله

مرور واشادة شاعر بحجمك تعني لي الكثير

تقبل تقدير وكل الود