ديوان الشاعر / تركــي الجـــابري ( أبووافي )

القــلب ماله بـــعدك أنسان = عاف الهوى ياملا عافه
صرخه صداها لهيب احزان = كبــتن ولا سجل اهـدافه

أبديت خافي ماكنت أبديه = وأخفيت ماكنت باديبه
والعــين في صـدها تعنيه = من يوم جفت مشاريبه

ياحيــف بعد الوفا تنسى = وتـــذبل بــقايا ورودالـــــشوق
خلاص هات الجفى بقسى = شمسك وغــابت بدون اشروق

من هــول مـاصار قدامي = قلبي جفى حارب أعروقه
يرجيك طول العمر ضامي = يــــاجافي الشوق وبروقه

تكدر الخاطر المشتـــــاق = من ماضي الوقت والحاضر
واليوم طاحت بقايا أوراق = يــــــا شينها كسرت الخاطر

أحرقت دمي معك غلطان = جيتك بالأشواق متعني
أرحل وبرحل مع النسيان = فرقى ولاصد في ظني

يــامـــوج منك البحر مفتون = تلعب ولاتــبدي أسرارك
وغيرك تمايل ميول أغصون = وياسرع مايعلن أخبارك

لبيت مــنك النـــداء لبيت = وأنته تجاهلت من لبى
لوكنت حي أعتبرك الميت = يـــاقلب فالحب مــا حبى

غصنك هجرته ولامريت = يـــــاطير عن دنـــيتي لاهي
لاتروح لارحت وش خليت = حسره طوت قلبي الساهي

يابحر أحبك وأزيد أهواك = وتستأنس العين وأسماعي
لاجيت يـــمك وهمي جاك = مـــا كنها شــانت أوضاعي