فخر الصويتيات في محسن الفرم....

يابدر حالـي يتعـب اليـوم يابـدر = انته ونعـم ووقتنـا ماهـو ونعـم
الرجم عديته وانـا ضايـق الصـدر = والهم بمقفاي من رجـم فـي رجـم
اثر الزمن غادر وانا ما اعرف الغدر = واثر الزمن ظالم وانا ما اعرف الظلم
وقف بوجهي مثل ماياقـف الجـدر = وانا ضعيف الحال ما اقدر على الهدم
شفت الغثا والشين من وجهه الودر = مايدري اني قرم ابن قـرم ابـن قـرم
ببقى الين يغسلونـي مـن السـدر = على سلوم ابوي ما اترك ولا سلـم
يابنت وجهك ويش فرقه عن البـدر = فيك الجمال ولون بشرتـك والجـرم
وصوفك الثنتين عـذرا وفـي خـدر = وخصالك الثنتيـن الانـاه والحلـم
خلاك وصفك فوق واهل الهوى حدر = وابوك شيخ الجاه والمـال والعلـم
ما للعذارى بعـدك بخاطـري قـدر = الشمس لاطلت تغطي علـى النجـم
قلبي بحر وانتي بوسـط البحـر در = واللي يغوص بغبة البحـر ماسلـم
مير اشربي حالي وانا بشرب الكـدر = ولا اشعمي النيران في داخلي شعـم
لو راح دمي بين كل العـرب هـدر = الموت في حب المزايين لـه طعـم
ياعاذلـي لــف بخداعـاتـك ودر = ماني مكلم راعـي السـب والشتـم
بفخر بها وافخر بتوصيفهـا النـدر = فخر الصويتيـات في محسـن الفـرم

فخر الصويتيات في محسن الفرم
صح لسانك الله يعطيك العافيه

ابوهليل عدلتها لعيونك
ورايك عين الصواب

فخر الصويتيات في محسن الفرم

الشاعر ابراهيم القرون
الفارس محسن فخر لحرب عامه

صح السانك وعتلا شانك

ابداع متناهي يسلم فكرك وصح لسانك

صح السانك يابراهيم

وعلا شانك


قلت واجزلت


تحيتي وتقديري

الشاعر

ابراهيم القرون

صح لساااااااااانك
واعتلا شاااااانك

قلت واجزلت

تحياتي وتقديري

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله ألسانك و علا شأنك .........

صح السانك مليوووون وبيض الله وجهك على هذا الابداع الرائع بروعة حضورك الغالي