بيني وبين بخيتان البشري

السلام عليكم ورحمة الله وبركاته









































بخيتان

ترى الوفاء مايعود نقص = هات الذي مغلق الخاطر
ونحص معك المعاني حص =ونمشي على القن والساير

ساهر

رصيت بعض المعاني رص = وانا من المشتكي حاير
انته على مشتكاي تخص = والا بدعواك لي زاير

بخيتان

قريت فالملتقى لك نص = فالمستشارين ويش داير
وجتني رساله قبل وتنص = منك العتب قول ويش صاير

ساهر

مادمت رغبان مستنقص = جاني عتب وانكتب جاير
لكنني في الملاقى فص= اخبط بكفي وانا طاير
لو شفت جسمي ضعيف وعص= وقت الغضب اعجبك ثاير
عند المعاند ازيد النص = وتشوف دم العدو كاير

بخيتان

دامك من الطيب مستنقص = واخذتك عزتك ومكابر
وبا لحيل فالعلم متربص = ودمك كذا يتضح فاير
انته ونفسك بها ابخص = من دون لاتقول وتجاهر
كلن على مايبي يحرص= وكلن على مابغى قادر

وفي امان الله ورعايته