قصيدة بالشيخ/ سعد مبارك أبوقرنين

راكب اللي من الصاله جديد صفار = تركب مواصفاته فوق مقياسه
جيب لكزس جديد وسائقه جبار = قد وطاه الزمان ولانكسر باسه
بالفخامه يحطم شركة الفكسار = شركتة عندها تخطيط ودراسه
الحواجب امرفعها يمين ايسار = كنه اللي عيونه نجل نعاسه
لامشى القايله يلحق سراب القار = تب ماتسمع الادقت أجراسه
وان سرا وسط نوره ضاعة الانوار = يوقف الخط الاخر قوة اكباسه
نصه الدوسري لاعمست الاشوار = يحكم الشار أبوقرنين من راسه
يكرم الضيف ويعزالخوي والجار = لالفوه النشاما قل مجلاسه
يرفع المعنويه طيب الاذكار = ويتكلم بسرع اللهام وفراسه
يحكم السالفه وينقد الاشعار = لاعرضله جنيه الشعر ونحاسه
ياقناة الاماكن بثي الاخبار = وانشري عن سعد طيبة ونبراسه
مع هل الطيب له مدخل وله مظهار = وان نخيته تعزوا والخطرداسه
ماتغير صفاته وافي الاشبار = كل مازاد عمره زاد نوماسه
يوم بعض اصدقانا لو يطيب امرار = ياخذايام ويعودعلى ساسه
قبل تنصاه كنه ناصر الشغار = يكرم الشيخ عن شرواه وجناسه
لانصيته تغيروجه ميت النار = تختلف نضرتة ويضيع الطاسه
تقرب انهايته لامسه المشوار = لين يذهب ذهاب الملح بالكاسه
صحبة اهل المصالح مالها استقرار = يوم تصلح وثاني يوم منحاسه
واخر القول ماكل الطيور احرار = شاب معناي ولابيات حساسه