الله من هقوتن ماهي برجالي ... والله من طيبه ماهي براعيها

السلام عليكم ورحمة الله وبركاته

يالله يالي علـــــــــــيك الحال يالوالي=ياعالمن غـــــــــيب هالدنيا وما فيها
ارفع لك الصوت من وقتن برا حالي=سبب همومن كثيراتن طـــــــواريها
اشوف وقتي زرع همي وغـــربالي=اشكي لك الحـــال وانت الي يداويها
الناس فيها بـــــــــلا و الوقت ميالي=وشلون بعد الوفا ضاعت مبـــــاديها
صرنا ضـــحية زمن خاين ومحتالي=و وجيه الاجــــواد ضايعتن مواريها
كم واحدن تحسبه للــــــــحمل شيالي=ويخيب الهقوه الــــــــــي كنت هاقيها
الله من هقوتن ماهي برجــــــــــالي=والله من طـــــــــيبه ما هي براعيها
والله من خوتن تـــــوردك الامحالي=والله من رمــــــيتن من غير راميها
ياهم قــــــــلبي عليك من الله ضلالي=هون روابــــعك لا تكشف خوافيها
مادامت بـــــجورها ما طالت عقالي=وش لي بقومن مضــــــيعتن مباديها

تحيااااتي الشاعر: ابراهيم بن محمد بن ابراهيم السليمي