لحن رمضاني ( حفيد الحجيري x ابو طلق )

لحن تشرفت به مع استاذي ابو علي ( حفيد الحجيري ) في شهر رمضان الفائت
.
.

ابو طلق=
سلام طعمه عسل صافي=وازهى من الورد بالوانه
طيبه من المسك مستافي=ويرد الارواح هتـّانه
ابو علي=
اطيب من التمر لاصافي=من سكريه وروثانه
ترحيب بالصاحب الوافي=اللي على ساس بنيانه
ابو طلق=
تبقى على الدوم متعافي= وتِكتب لكم عالي جنانه
نبغى مراديد خفّافي = يِثقل بها العبد ميزانه
ابو علي=
الله يعافيك ياللافي =ويِكسبك عفوه وغفرانه
معاك في كل مشرافي = قودالمثل وابدع الحانه
ابو طلق=
بعد السعد للسما نافي = وسلّم على نجوم قيفانه
نبغى فغصنين يا سنافي = حِكمة من آيات قرآنه
ابو علي=
كم طرف مبصر وهو غافي = وكم قلب غاويه شيطانه
آيات ربي دوا شافي = تروى بها قلوب ضميانه
ابو طلق=
لعلّها دوم الاجوافي = من منهل الحق رويانه
طمّعتني بطيب القافي = إسقوا من السنّة اغصانه
ابو علي=
السنّة اثبات ما ينافي = كتاب ربي في تبيانه
والمصطفى قوله انصافي =شفيعنا بإذن سبحانه
ابو طلق=
جوابكم وافي وكافي = والحرف يشكر لك إتقانه
عسى السعد فرش ولحافي = يا مِدخل السّعد لاخوانه

.
.
.