ماينحني راسي وأنا عزوتي حرب ...........نصيحة إلى ...

السلام عليكم ورحمة الله وبركاته
أسعد الله أوقاتكم بكل خير
"
"
"
"
"
"

"قصيدة موجهة إلى أخي نواف بن محسن الزويهري
أرجو أن تنال القبول والرضى

ماينحني راسي وأنا عزوتي حرب= زويهري دايم على الحق ماضي
اسمع كلامي إن كنت ناوي على درب=لا تمشي ألا في دروب البياضي
قبلك ترا سجيت فالشرق والغرب=واتعبت رجلي كل ما البرق ناضي
وقطفت حلو التين من قانع الشرب=غصن ليان وبذرته من حياضي
من بعد مر الحنضل اللي من القرب=غضيت طرفي عن فعيل المراضي
ترا قريبك لو يعاديك يلهب = قلبه عليك ولجلك الصعب خاضي
أخوك يانواف يوصيك يالذرب=أحفظ وصاتي يوم ذا البحر فاضي
أول وصاتي حبلك اللي مع الرب=شده وخلك فالمقادير راضي
من يرضي الرحمن ما صابه الصعب=ولا تهمك الدنيا ترا إلها اعتياضي
وأبعد عن أهل البور بعدك عن الجرب=رجالهم ياخوي كالزير فاضي
مايروي العطشان ولا له أبد جنب=وليا نخيته كوكا قدمك وباضي
وابحث عن اللي فاللوازم مدرب=وادي فحل يسقي جميع الرياضي
وأحلم عن القاصين ..ما بالك القرب؟=خلك وسيع الصدر وطبعك رياضي
ترا عيال العم في ساعة الكرب=تسرك فعول السيوف المواضي
أحذر يباعد بينك وبينهم غرب=ترا الغريب يغيب وغصنه غضاضي
وترا القبيلة ظهر للوافي تذب=خلك مع ربوعك سريع انتهاضي
والرجل بفعوله وبالفعل ينسب=لا تقول أبويه شيخ والجد قاضي
أفخر بفعلك يالعريب المحسب=وأحسب لخطواتك طوال وعراضي
واعداد ما حروف الهجا اليوم تكتب=ذكر النبي فآخر حروف اهتياضي

صح لسانك يافواز على هذه القصيدة و الوصية التي نستفيد منها جميعا

و بيض الله وجهك

من يرضي الرحمن ما صابه الصعب
ولا تهمك الدنيا ترا إلها اعتياضـي

ياسلام يالزويهري
وصايا رائعه
واعتزاز بقبيلتك
حرب
صح السانك مدد بلاعدد

الأخ الشاعر القدير فواز الزويهري
صح لسانك وبيض الله وجهك
لاهنت لك احترامي :

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

لا تعليق يليق بهذي الدره الثمينه
الزويهري فواز
صح لسانك وعلا شانك
امتعتنا بهذي الدره
سلمت وسلمت يمناك
لاهنت

صح الله لسانك
ولاهنت
وسلم فكرك وبنانك
دمت برعاية الله وحفظة

نصيحه ثمينه
بيض الله وجهك
نستفيد منها

فواز الزويهري

صح السانك وأعتلا شانك على قصيدتك الجزله

نصيحه ثمينه بارك الله فيك عليها

موفق خير يالنشمي

الاخ القديرفوازالزويهري

صح السانك ودام ابداعك وبيض الله وجهك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير