ترا نجوم الليل فيها مغره

أرسل لي أحد الاخوة أبيات قد تكون من منقوله وتجاوبنا معه وردينا على الابيات التى وصلتنى منه
وقد نكون تجاوزنا عدد أبياته ولكن كانت الحاجه تقتضى ذالك.....

الابيات التى أرسلها صاحبي

ترا الدهر ماهو طفلك تربيه=مهما حصلك بين برده وحره
وان شفت حظك منسدح لاتوعيه=يقوم من نومه وينحاش مره
خله بنومه وأطلب الله يشافيه=لعل يحصله علاج(ن) يسره
ردي على الابيات السابقه=
حي الجواب اللي لفتني معانيه=من شاعر(ن) بالشعر لله دره
فكره مدادالشعر عذبه وصافيه=بالبر له كنز(ن) وبالبحر دره
شاعر عريب معرباتن مجانيه=أصله رفيع ومدحنا ما يغره
والا الدهر لو كان خربت لياليه=الصبر محمود(ن) ببحره وبره
عبد(ن) بتالي الليل يرفع أياديه =يشكي لربه كل هم ومضره
لا بد ما ربك يعينه ويهديه=سبحان من يخفى على الناس سره
يافارج الشدات والعبد منجيه=سبحان محصي كل نجم(ن) ومجره
والحظ كانه نايم(ن) لاتخليه=أضرب على الكايد والنفس حره
قو العزيمه تعطي الحظ تنبيه=لو كان نايم من منامه يجره
واللي سعى للمجد يجنى مساعيه=ذاق الحلا حالي ولا فيه مره
واللي سرى بالليل من غير توجيه=ليله طويل ولا أستدل لمقره
بالليل ساري والكواكب تباريه=ترا نجوم الليل فيها مغره
تم الجواب وزبدة الهرج تنويه=وكلن على صدره زراره يزره

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح لسانك وسلم بنانك



قصيدة رائعه بروعة حضورك



لك تقديري

نادر النادر
صح لسانك
وسلمت يمناك على هذي
القصيده الرائعه
لاهنت

صح لسانك يانادر الله يعطيك العافيه

صح لسانك وبيض الله وجهك ياذيب على هالقصيده وتقبل احترمي

اخــــــوي

نــــادر النـــــــــادر

بيض الله وجهك قصيده رائعه ورد اروع

لاهنت تقبل مروري

يا عل يسلم لسانك يا نادر

وصح لسانك وبيض الله وجهك

وانت دائماً لا تقبل الا بالمتيز

فكن كذلك

ابو بتال

رابح الجحدلي و ابو فياض النويمي و فيصل الوافي وسعودية وابو هليل وعبدالرحمن مصلح وخالد مبيريك و ابو بتال

صحت ابدانكم
اسعدنا وسرنا مروركم ونبيل شعوركم
تواصلكم الكريم دافع ومحفز للعطاء
لكم الشكر والامتنان والتقدير