من هجوس

لم يكن لدي علم بأن هناك موعد لاستقبال القصائد المشاركة في الحفل واتيت من حائل الى الرياض وكلي امل في المشاركه في الملتقى الثالث للمراوين ولكن لم يحالفني الحظ وقرار اللجنة الاشرافيه نحترمه واكتفيت بقولهم لا يوجد هناك وقت كافي ( و بمعنى اصح لم يكن هناك نصيب والحظ كالعاده مقفّي)
المشاركه عبارة عن قصيدة بسيطه التي اترك التقييم لكم ولكم خالص تحياتي

من هجوس ٍ يقدح الشعر من فيض الشعور=ليـن تقـف بـيـوت شـعـري عـلـى عمدانـهـا
ياقصـيـدي لا تـعــذّر تـــرا مـانــت مـعــذور=فـي مديـح اهـل الوفـاء اللـي رفـيـعٍ شانـهـا
الرجـال اهــل المـواقـف تـزيـن بهالسـطـور=بالقصـيـد وشـرهـة الـخـيـل فـــي ميـدانـهـا
لابـتـي حــرب الحـرايـب طويلـيـن الشـبـور=افـتـخـر بـاهــل الفـعـايـل وطـــول أيمـانـهـا
والله انـي عنـد الاجـواد فــي ربـعـي فـخـور=عـزوتــي بـيــن القـبـايـل رجـــح ميـزانـهـا
مدركيـن النـعـم والطـيـب فــي كــل الامــور=فـــي زمـــان الـيــوم والا قـديــم ازمـانـهــا
صفحـة التاريـخ تشـهـد وعــد الـحـق نــور=والحقـيـقـه واضــــح ٍ لـلـعــرب عـنـوانـهـا
كاسبيـن الطيـب والـنـاس مافيـهـم قـصـور=نـعـم ٍ فــي كــل القـبـايـل وفـــي شيخـانـهـا
شاعر ٍ مـن روس ربعـه مجاذيـب الصقـور=ومـن بغـى كسـب المراجـل يسـوق اثمانهـا
المـراجـل مـاتـبـي غـيــر رجـــال ٍ جـســور=وان رمــى بـعـد المـدالـي حــذف نيشـانـهـا
بالـوفـاء فـعـل المـراويـن ثـابـت ومـخـبـور=يـامـقـابـيــس الــمــراجــل ويـافـرسـانــهــا
اعذروني ياهـل الـزود عـن بعـض القصـور=الـقـصـايــد مــاتــوفّــي بـــكـــم قـيـفـانـهــا
واقبلـوا بختامـهـا الـعـود الازرق والبـخـور=هيـض مضـمـون القريـحـه ولـفـظ لسانـهـا

وسلامتكم


الشاعر / نواف بن فرج بن سالم المرواني

شاعر ٍ مـن روس ربعـه مجاذيـب الصقـور
ومـن بغـى كسـب المراجـل يسـوق اثمانـهـا

صح لسانك يانواف
ونعم بك وبربعك
القصيده
رائعه جداااااااا
تقبل مروري الهادي
لك اجمل تحيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة سمو المهابه

	لم يكن لدي علم بأن هناك موعد لاستقبال القصائد المشاركة في الحفل واتيت من حائل الى الرياض وكلي امل في المشاركه في الملتقى الثالث للمراوين ولكن لم يحالفني الحظ وقرار اللجنة الاشرافيه نحترمه واكتفيت بقولهم لا يوجد هناك وقت كافي ( و بمعنى اصح لم يكن هناك نصيب والحظ كالعاده مقفّي) المشاركه عبارة عن قصيدة بسيطه التي اترك التقييم لكم ولكم خالص تحياتي من هجوس ٍ يقدح الشعر من فيض الشعور=ليـن تقـف بـيـوت شـعـري عـلـى عمدانـهـا ياقصـيـدي لا تـعــذّر تـــرا مـانــت مـعــذور=فـي مديـح اهـل الوفـاء اللـي رفـيـعٍ شانـهـا الرجـال اهــل المـواقـف تـزيـن بهالسـطـور=بالقصـيـد وشـرهـة الـخـيـل فـــي ميـدانـهـا لابـتـي حــرب الحـرايـب طويلـيـن الشـبـور=افـتـخـر بـاهــل الفـعـايـل وطـــول أيمـانـهـا والله انـي عنـد الاجـواد فــي ربـعـي فـخـور=عـزوتــي بـيــن القـبـايـل رجـــح ميـزانـهـا مدركيـن النـعـم والطـيـب فــي كــل الامــور=فـــي زمـــان الـيــوم والا قـديــم ازمـانـهــا صفحـة التاريـخ تشـهـد وعــد الـحـق نــور=والحقـيـقـه واضــــح ٍ لـلـعــرب عـنـوانـهـا كاسبيـن الطيـب والـنـاس مافيـهـم قـصـور=نـعـم ٍ فــي كــل القـبـايـل وفـــي شيخـانـهـا شاعر ٍ مـن روس ربعـه مجاذيـب الصقـور=ومـن بغـى كسـب المراجـل يسـوق اثمانهـا المـراجـل مـاتـبـي غـيــر رجـــال ٍ جـســور=وان رمــى بـعـد المـدالـي حــذف نيشـانـهـا بالـوفـاء فـعـل المـراويـن ثـابـت ومـخـبـور=يـامـقـابـيــس الــمــراجــل ويـافـرسـانــهــا اعذروني ياهـل الـزود عـن بعـض القصـور=الـقـصـايــد مــاتــوفّــي بـــكـــم قـيـفـانـهــا واقبلـوا بختامـهـا الـعـود الازرق والبـخـور=هيـض مضـمـون القريـحـه ولـفـظ لسانـهـا وسلامتكم الشاعر / نواف بن فرج بن سالم المرواني

الأخ العزيز نواف
هلابك يابن العم وانت صراحة وبدون مجاملة
انت شاعر قوي وهذه أول قصيدة اسمعها لك
قصيدة جزلة من شاعر جزل متمكن :
شكرا لك يانواف

صح السانك

شاعر مبدع

قصيده ثمينه ومميزه

با الجزيل من المعاني
وطاروق مميز


صح السانك مليون صح

ويستاهلون النشاما المدح

لاهنت

الأخ الشاعر نواف بن فرج بن سالم المرواني

صح لسانك

القصيدة رائعه بكل المقاييس

و لو القيت بالحفل لنالت اعجاب الجميع اللي يستاهلون

قد يكون السبب في عدم اختيارها هو تأخرك حتى اتخذت الترتيبات و طبع البرنامج

على اي حال لا خوف عليك ما دام هذا من انتاجك.

و لك و للحاضرين كل التقدير

صح لسانك و بيض اللة وجهك

بيض الله وجيهكم جميعاً على المرور المميز اللذي اسعدني كثيراً ويكفيني عن إلقـــائها مروركم وردودكم المميزة لكم مني جزيل الشكر وشهادة كل واحد منكم والله فخر لي ووسام على صدري وللمعلوميه تراني من الناس اللي يتقبلون النقد بكل روح رياضيه لان النقد اذا كان صحيح وفي مكانه اعتبره خطوة للامام وتعزيز للتقدم ولله الحمد استفدت من شرواكم الكثير لا أريد الاطاله ولكن مأريد قوله (اذا كان هناك احد لديه نقد في القصيده فأنا داخل على الله ثم عليه انه يذكره ) لكي يتم تجاوزه مستقبلا


اكرر شكري واحترامي للجميع ولكم


خــــ تحياتي ـــالص