قصيدة في زواج/ ابناء الشيخ نداء بن راجح (رحمه الله)

بسم الله ابدا وابتدي بدع الابيات= اللي لها عندي مقاصد وغايات
مقصادها تنصا شيوخآ تنومس= وغاياتها ترحيب باهل المروات
يامرحبا باسمي وباسم القبيله= عند الشيوخ مهونين الصعيبات
عد السحاب وعد مالاح بارق= واعداد مايكتب بوسط السجلات
الحفل فيكم زان وازتاد نوره= بحضوركم ياقطعين المسافات
اهلآ هلا والطيب هذا محله= ونسعد بشوفتكم على مر الاوقات
عند الشيوخ اللي لهم مجد وشداد= وتاريخهم حافل بكسب الجمالات
ماهي بشيخة هرج وعلوم مجلس = ولاهي بشيخة جامعين الريالات
لو الله الا شيخة اهل المواقف= لاكبرت القاله وجات المهمات
في ساعة فيها تبين الحمايل= وتبين الرديان مداحت الذات
ذولا عيال اللي له الطيب عاده= وذولا عيال ابو الوفاء والجزيلات
له مدة تغني لايمنه اعطا= ماله حلي حتى البحر والمحيطات
تاخذ ماجاها بس هذا لحاله= يعطي ماياخذ فاعل المستحيلات
هذا نداء واسمه يكفي لاقلته= كلآ يقول ونعم زبن الونيات
امخاوي الحكام كساب الامداح= صافح يمين المجد وفعوله اثبات
مزبن لمنهو جاه يشكا المذله= يعطيه مايبغاه بغضون لحضات
ترفعله البيضاء عقيد السرايا= من حد صنعاء لحدود الامارات
لو هو رحل مامات ذكره وطاريه= لانه ترفرفله على المجد رايات
وغيره شيوخ تغيب لكن ماتفقد= والا نداء طاريه باقي ولامات
شيخآ ماهو مثله بلاش ايتقلط= ويمنع مايدخل في كبار المنصات
وشيخآ ماهو مثله يشطب على اسمه= ولاينذكر لعدو اهل البطولات
لانه فريد ابجيله الله يبيحه= لبس الشهامه لبس شيخ الكرامات
واليوم في نهجه زحولآ صوارم= تمشي على منهج زبون الثقيلات
صالح وعبدالله كرام المبادى= اللي لهم في ساعة الضيق وقفات
هذا وانا شاعر واجمل ليا قمت= واصرف بيوتآ مثل صرف الجنيهات
قلت البيوت النادارات الغوالي= اللي لها عندي مقاصد وغايات
مقصادها تنصا شيوخآ تنومس= وغاياتها ترحيب باهل المروات

الشاعر ممدوح محمد البدراني

صح لسانك مليون على القصيده
والله يعطيك العافيه
بيض الله وجهك

صح لسانك و النعم في الشيخ نداء بن بليعيس بن راجح رحمه الله

و نعم في ابناءه و الله ان افعالهم ترفع الرأس

السيف والطاس

صح لسانك وفقك الله