ديوان الشاعر (ابو طلق )

ابو طلق=
ســـلام يــــا مـلـتـقـى الاخــــوان=وش حالـكـم كـــل(ن) بـإسـمـه
يبقى العليمي على البيبان ؟=ولا ّ يـقـلّـط عـلــى دسـمــه ؟
محمد سعد اليوبي=
يـامـرحـبـا ألــــف يـاشـيـهـان=يـاحـر مـــا يخـتـفـي رسـمــه
اللي اعتلى واستلم نيشان=مايخص بين العرب قسمه
عبد اللطيف العوفي=
يامرحبا بنور بدرٍ بان=اهدا لنا من العطر نسمه
يابو طلق يارفيع الشان=إسمك فخر بيننا رسمه
سالم البشري=
ترحيب من بالي النشطان=مايقبـل الطـرح والقسمـه
مهما تواضـع لنـا الربـان=فالملتقـى الوافيـه قسـمـه
بيان الصمت=
ترحيب من قاصي الوجدان=والدرب واضح لكـم رسمـه
لـك الأصـالـة مــع التبـيـان=يبقى لـك الأمـر فـي حسمـه
ناصر الحجوري=
يــامــرحــبـــا والـعــلــيــمــي يــــبـــــان=في ملاوع القيل من رسمه
اقـلــط وتـلـقـى صـبــي لـقـمــان=الـلـي القريـشـي اخــذ وسـمـه
ابو بتال=
يـا مرحـبـا بــدرة الأعـيـان=الي على القلـب لـه وسمـه
فالملتـقـى زانــت الالـحـان=وتطرب على حسها النسمه
الصييفي=
جـيـت إمتـأخـر مـهــو حـقــران=ما غاب لو ما حضر جسمه
جيتـك أحـيـي مــع الشجـعـان=و ســرايــري حــيــل مبـتـسـمـه

http://www.m-harb.net/vb/showthread.php?t=28761

ما يسير نبكي على ما فات=ونــضــيّــع الـــجـــاي فـبــكــانــا
أيــامـــنـــا مــالـــهـــا رجــــعــــات=واقـــدارنـــا كــــــل مــــــا جـــانـــا

http://www.m-harb.net/vb/showthread.php?t=35366

في وداعنـا بـان فينـا الكبـت=و كل(ن) شرح بالنظر وده
تخالط إحساسنا في صمت=و انـهــل دمـعــي عـلــى خــــده

.
.
http://www.m-harb.net/vb/showthread.php?t=49165

دمعة زبنت خلف رمش العين=مــــــن خــــــوف لا يـــنـــدرى عــنــهــا
لـــكــــن فـضــحــهــا غـــــــداة الــبـــيـــن=بـــــــرّاقـــــــهـــــــا ســــــــــــــــــــــد مـــــزبـــــنــــــهــــــا

.
.
http://www.m-harb.net/vb/showthread.php?t=47032

تـعـبـت مــــن كــثــرة الإرســــال=لـــلـــي ردى الـــحــــظ نـاحــيــبــه
مـــافـــيــــه فــأســـواقـــنـــا جـــــــــــوال=نضغط على زر ويجيبه ؟

.
http://www.m-harb.net/vb/showthread.php?t=49246

ابــــــــــــــــــــــــــــــــــــو طــــــــــــــــــلـــــــــــــــــــق=
يـــــا سـبـحــتــي دوريـــلـــي حــــــل=وخــلّــي فـــــؤاد الـشــقــي يــرتـــاح
مـيـزان بـعــض الأمـــور إخـتــل=ورجّـح خسايـر علـى الاربــاح
الـــــــــــــــــــســــــــــــــــــــبــــــــــــــــــــحــــــــــــــــــــة=
يــــا صـاحــبــي والـمــقــدر حـــــل=لا تـعــنّــي الـقــلــب بـالــلــي راح
بـعــض الـمـوازيــن لــــو تـعـطــل=لــكــنـــهـــا تـــقـــبــــل الإصـــــــــــلاح
ابــــــــــــــــــــــــــــــــــــو طــــــــــــــــــلـــــــــــــــــــق=
فــاتـــت ولا عــــــاد بــــــه مـــأمـــل=ســـرنـــا سـفــيــنــة بـــــــلا مـــــــلاح
مــــن بــعـــد مـــــا لـيـلـهــا أســـــدل=تـاهــت وتـلـعـب بـهــا الاريــــاح
الـــــــــــــــــــســــــــــــــــــــبــــــــــــــــــــحــــــــــــــــــــة=
الـــلـــي مــــــع الــنــجــم مــاتــعــدل=واللـي غـوت ترقـب الإصـبـاح
عــلـــى الــفـــرج دوم لا تــعــجــل=كــــل بــــاب لابــــد لـــــه مـفــتــاح
ابــــــــــــــــــــــــــــــــــــو طــــــــــــــــــلـــــــــــــــــــق=
عـــــن الـنــجــم دوم مـــــا نــغــفــل=لـكــن تـغـطــى الـنـجــم بــوشــاح
والـبــاب كـــل مـــا انـفـتـح يُـقـفـل=والعـيـن تـنـظـر كـــؤوس الـــراح
الـــــــــــــــــــســــــــــــــــــــبــــــــــــــــــــحــــــــــــــــــــة=
مـــــا يـبــنــي الــكـــاس مـسـتـقـبـل=مـا يـرفـع الـكـاس منـهـو طــاح
لا تشـتـكـي إنـكــان مـــا تـعـمــل=أصمـيـتـنـي يـالـفـتــى الـصــيــاح
ابــــــــــــــــــــــــــــــــــــو طــــــــــــــــــلـــــــــــــــــــق=
كـنــت اتـمـنـى جــــواب أفــضــل=لـــعـــل تـــهــــدى بـــعــــض أرواح
شــكــرا عــلــى الــــرد بـالـمـجـمـل=الـــيــــوم بــارمـــيـــك يـالـمــســبــاح
الـــــــــــــــــــســــــــــــــــــــبــــــــــــــــــــحــــــــــــــــــــة=
سبحـنـبـي وقــــوم وض وصــــل=وادع الـــــذي يــبـــري الاجـــــراح
لــــكـــــن لا تـــتـــكـــي و تــــزعـــــل=كل شي يبغى عمل يا صاح

.
http://www.m-harb.net/vb/showthread.php?t=71439

أنـظـر إلــى حالـتـي سـاخـر=واضحك من هموم كابتها
كـــالــــدايــــرة مـــالــــهــــا آخـــــــــــر=تبقـى .. النهايـة.. بدايتـهـا

.
http://www.m-harb.net/vb/showthread.php?t=61669

يـــا مــــن وردتــــوا وعــودتــوا=وآنـا علـى مرقـبـي داهــش
ردوا عـلــى عـدّنــا و إردوا=إستانس القلب واستاحش

.
http://www.m-harb.net/vb/showthread.php?t=55435
.
.
اتصال بالغلط + رسايل

يــا متـصـل بالـغـلـط يـكـفـي=منك الغلط والأسف مني
ويكفي مراسيل..مستكفي=كــــفّــــوا مـراســيــلــكــم عــــنـــــي

.
http://www.m-harb.net/vb/showthread.php?t=55434
.
.

مـركــب أســـى تـــاه بـاحـزانـه=أصبح فـبحر العنا وامسى
واسـتــبــشــر الــخــيـــر ربــــانــــه=لـمّـا رأى فـشاطـئـي مـرســى

.
http://www.m-harb.net/vb/showthread.php?t=54431
.
.

راح الـــــــــــذي شــــوفــــتــــه أُنــــــســــــي=وطيـفـه مـعـي ويــن مـــا روحـــت
يـمـســي مــعــي كــــل مــــا أمــســي=ويصبح معي كل ما أصبحت

.
http://www.m-harb.net/vb/showthread.php?t=52376

مراسلة من السرير الابيض
.

ردة الله الــــــــــــــعــــــــــــــصـــــــــــــــلانـــــــــــــــي=
ســــــــلام مــــالــــه عــــــــدد وحــــســـــاب=وبـــعــــد الــســـلامـــات يــــــــا اســــتــــاد
الــــــــــود كـــــسّــــــر عـــــلــــــي الـــــبــــــاب=مـــــــــــن ود وآنـــــــــــا أزيـــــــــــد عــــــنــــــاد
ابــــــــــــــــــــــــــــــــــــــــــــــــــــو طــــــــــــــــــــــــــلـــــــــــــــــــــــــــق=
مـــثـــلــــه وزايــــــــــد لـــــكــــــم تـــــرحــــــاب=ونـــــبــــــقــــــى تــــــلامــــــيــــــذ لـــــــــلـــــــــرواد
الــــنــــاس تــــجــــري ورا الاحــــبـــــاب=وانــــتــــه تــقـــولـــي عــــنــــادك زاد ؟!
ردة الله الــــــــــــــعــــــــــــــصـــــــــــــــلانـــــــــــــــي=
تبقى علم يا اصدق الاصحاب=ودوم نــتـــلاقـــى عــــلـــــى الـــمـــيـــراد
لا تـلـومـنــي كــثـــر صـــــده جـــــاب=هــــــــذا الــمــعــانــد بــــطــــول الــــمـــــاد
ابــــــــــــــــــــــــــــــــــــــــــــــــــــو طــــــــــــــــــــــــــلـــــــــــــــــــــــــــق=
خــلـــك سـيــاســي وذرب خــطـــاب=وقـــولـــه تــــــرى الــــــود مــــــا يــنــعـــاد
وخـــــــلاص فـــكــــوا لـــــــه الأبـــــــواب=يـــكـــفـــيـــكــــم اثـــنـــيـــنـــكــــم إجــــــــهــــــــاد
ردة الله الــــــــــــــعــــــــــــــصـــــــــــــــلانـــــــــــــــي=
يــــــــا مــــــــا بــذلـــنـــا لــــــــه الأســــبــــاب=ويـــامـــا مـــعـــي يــخــلــف الـمــيــعــاد
وان قـــلـــتـــلــــي قــــابــــلـــــه بــــعـــــتـــــاب=حــتــى الـمـعـاتــب مــعـــه مـــــا فـــــاد
ابــــــــــــــــــــــــــــــــــــــــــــــــــــو طــــــــــــــــــــــــــلـــــــــــــــــــــــــــق=
يـــــــــــا ردة الله الـــــهــــــوى غــــــــــــلاب=وانــــتــــه عـــلـــيـــه الــــهـــــوى مـــعـــتـــاد
يــــمّــــا عــــفــــو والــنـــفـــوس طــــيــــاب=ولاّ كـــــفـــــايـــــة جـــــــــــــــروح جــــــــــــــــداد

.
http://www.m-harb.net/vb/showthread.php?t=50606

كسرة وقصتها

كالعادة ماشي لحالي عل كمر الله يخليها ويطول بعمرها وماسك خط جدة الشرقية
ويوم اقبلت على الدمام شفت كشك قهوة شكله مزبرق ويفتح النفس
قلت خلني اخذ اي شي من عندهم يصحصح بي شوي لين اكمل الميتين كيلو الباقية
المهم اني صفيت سرى ويوم وصلت عند العامل طلبت ( كفي ) وقلت له حلا زيادة شوي
وكان لابس بذلة وعليها رقم ثمانية جنب الجيب
المهم اني لقيت ورقة ملصقة جنب الشباك وجلست اقرا اللي فيها على بال مايخلص العامل
ملخص الكلام المكتوب فيها
انهم يبغونك ترسل رسالة على رقم جوال حاطينه وتكتب فيها بس رقم العامل و رايك في شغل العامل أوفي الطلب اللي سواه
وحاطين ثلاث كلمات بالعربي والانقليزي

الاولى- ممتاز وتحتها
excellent
الثانية- جيد وتحتها
good
الثالثة- ضعيف وتحتها
poor

المهم اني سجلت الرقم مدري ليش
ويوم اني ذقت الكفي وشفت المسافة يبغالها حول ساعة ونص
قلت خلني ارسل رسالة
وارسلت لصاحب الجوال هذي الأبيات
v
v

طرقي تقهوى بقهوتكم=يوم القهاوي تحث السير
وقال فرصة يشاركّـم=يرسل لكم فالكفي تقرير
أثبت لي الطعم جودتكم=بس الحلا زاد شي يسير
ثمانية رقم عاملكم=و (GOOD) من عندنا التقدير

.
http://www.m-harb.net/vb/showthread.php?t=43445