محاوره &العقيد&مبارك

السلام عليكم ورحمة الله وبركاته
هذه محاوره بيني وبين الشاعر مبارك
في احدا المنتديات

=مبارك
قولي تبارك وانا مبارك=سـلام يـا محمـد اليوبـي
بعد الإذن جيت باشارك=فمحاورة جاك مطلوبـي
=عقيد الخيل
ترحيب بالطيب متبارك=والقافيه تعشق دروبي
معاك حرفي مهو تارك=يالين يرضيك مكتوبي
=مبارك
عسى البقا وهلّت انوارك=ودِّي يناسـبـك أسـلـوبـي
ابغى استمع لحن اوتارك=وتشوف لحني وملعوبـي
=عقيد الخيل
اجيك لو في عقر دارك=وافتح لك ادراج مدلوبي
ولو كان ياكبرها نارك=اطفي لك النار بجدوبي
=مبارك
تـو اللحـن مـا بـدا مـعـارك=عود الحطب دوب مشبوبي
هوّن تـرى تطـول اسمـارك=وفختامهـا تصيـر مغلـوبـي
=عقيد الخيل
لاصار معكوف مسمارك=يخلفك ربي بمعقوبي
ولو جات فزعه من انصارك=انا اتكفل بمندوبي
=مبارك
هيا استمع هـات اخبـارك=القاف لجل ايش مرغوبي
العلم جيبـه مـن اشعـارك=قــدام لايـهــب مهـبـوبـي
=عقيد الخيل
طويل ليلك ومشوارك=توي معك تو يادوبي
اجعلك تشكي من اوزارك=إليا ابتدا رسم منصوبي
=مبارك
مافدتنـي ليـه؟ أبـدارك=فسؤال مافيه عذروبـي
لا يا قلم سالت احبارك=بدرالسما مال لغروبـي
=عقيد الخيل
شمسي تعلت في اقدارك=ولااشتد بك حرها توبي
وتبيان ماغبه اسرارك=فالقاف كلٍ له ركوبي
=مبارك
فصل لنا والسعـد جـارك=مابين سهلات وصعوبي
ياثـوب محـلاك بـزرارك=شمّرت ذرعان لحروبـي
=عقيد الخيل
عذب المثل جاك هودارك=لو تبصره لاحت شهوبي
سهل وصعب يحكم اصرارك=لاحكّمه طاب مشروبي
=مبارك
أتقنـت للكـيـف ببـهـارك=ذقناه من كوب مصبوبي
بصمتك بانـت وامهـارك=فقياس الاوزان منسوبي