محاورة بين الشاكر والعويدة

الــــشــــاكــــر=
لو يعلم النـاس باوضاعـي = من حال يصعب على الكافـر
قلبي مـن الصـد ملتاعـي = واصبح من اعضاي متنافـر
الـــعــــويــــده =
عسـاه ينعينـي النـاعـي = لاصـار ماقسمـك الـوافـر
زايد على المـد والصاعـي = ياطا علـى الخـف والحافـر
الــــشــــاكــــر =
عن حقنـا ماقصـر باعـي = واشكرك يالصاحـب الظافـر
ومابيـن حاكـي وسماعـي = مـاودي حجابهـا سـافـر
الـــعــــويــــده =
حالي خطأ زيـن الأطباعـي = لامن لقـي صاحبـه غافـر
ولا ضاع طبـك فالاوجاعـي = ولا آخيل من يمـك الصافـر
الــــشــــاكــــر =
ظني بكـم صـح ماضاعـي = وخلـق الله مقيـم ومسافـر
حييـت يازيـن الاسناعـي = بعـد أيتـدم زادهـا القافـر
الـــعــــويــــده=
حنا علـى ديـن الاوزاعـي = شيـخٍ معـه علـم ويعافـر
وزين الرعيه مـن الراعـي = مير إسنع الـدرب يانـا فـر
الــــشــــاكــــر =
الدين لـه نـور وشعاعـي = والحـق لاصـاب مايـافـر
للصقـر مأكـر وميقـاعـي = والدرب واقـف بـه الخافـر
الـــعــــويــــده =
لابـد للديـن مـن داعــي = يا دافن الشـرك يـا حافـر
والصقـر للطلـع نـزاعـي = ما كافـر البيـد مـا كافـر
الــــشــــاكــــر =
كـم داعيـة مالـه أتباعـي = واصابعـه مالهـا أظـافـر
ويضرب بها أخماس وارباعي = ومنيحتـه درهــا جـافـر
العويده =
ما وحد الله بإصباعـي=امام حاكـم ومتضافـر
وماصار صارم وزراعي=لو اخضر الفن متصافـر
وما باع تاجر وما ابتاعي=وما قآيل الرجز والوافـر
هاديه ويصير مطواعـي=يبقى فسماكم قمر سافر.

صحت السنتكم
والله يـعـطـيـكم الـعـافيـــــــــــة
بيض الله وجيهكم

ياسلااااااااااام

مبنى ومعنى وقافيه

الله يعطيك العافيه ياابو سمي على النقل المميز

محاورة رائعة وجزلة يابو سامي في مبناها ومعناها

صح الله لسانك ولسان العويدة وأدام عزكما وبيانكما

سعدت بمروري وتصفحي

تقبل ودي واحترامي

[table1="width:95%;"]

ياسلااااااااااام عليكم

صح لسانك يابوسامي ولسان العويده

مبنى ومعنى وقافيه الله يعطيك العافيه

الاخوة والاخوات الكرام :

الحب الباقي

حرب

سالم البشري

شوق نجد

النايفة مكاني

اشكر لكم مروركم والاطراء الذي عطر متصفحي

لاحرمنا الله من تواجدكم .

صحــت السنتكــم
دمتم برعاية الله وحفظة