من قبل قرنين فالهجري 0""

لهل الوفا نرفع القدري = ونقدر اهل الكرم والجود
سلام من خاطري وصدري = اعداد ما فالجبل جملود
رده ولاهل الوفانشري = وانا ولد عسكر البارود
للطيب فينا نهر يجري = وفالوغى قابسين زنود
من فضل ربي لنا النصري = وهاماتنا كالجبال النود
وأنشد ولد عمنا البشري = اللي على الطايلات يزود
وسمه كما وسمنا حصري = الخمس ناسم بها للذود
جتنا جيوش اليمن حدري = دون الثنيه وشرق أسدود
من قبل قرنين فالهجري = رزوا بيارق لهم و جنود
ورزت معبّد مع البشري = بيرق وشنت هجوم حشود
وكرّوا على المعتدي كرّي = يبغى المكاسب طلع محصود
من وقعت أسيوفنا ألبتري = اللي نجا منهم مفقود
ماقربوا فا ارضنا شبري = ناقه ولاعينوا مفرود
ذاقوا هزيمه مع العسري = والجند صاروا طعام فهود
اللي في (فيده) لها هدري = شبعت عدل سيفنا المحدود
تاريخ واضح كما البدري = وأسود تخلف وراها أسود
من بعد دُحر الجهل بدري = ولى زمانه عسى ما يعود
يوم الجهل كان والكفري = صلى بعضهم بدون سجود
وقليل من صام فالشهري = من جوعهم ياكلون جلود
ومن جهلهم ليلة القدري = من جهلهم ينهبون رقود
جوع وجهل حال منحدري = نهارهم واليالي سود
من نجد نوره بدا يبري = عم الجزيره أمن وحدود
واتبدل العسر لليسري = وغطى رمال الصحاري ورود
وربي له الحمد و الشكري = أن العدل حكمة آل سعود

صح لسانك
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك والله يـعـطـيـك الـعـافيـــــــــــة بيض الله وجهك

وصح بدنك اخوي الحب الباقي

وشكرا على المرور الرائع

صح لسانك يافايز المحيسن وبيض الله وجهك على القصيده الرائعه

التي تصور حدث عظيم في تاريخ قبيلة حرب وهو معركة (ريع الثنيه ) وفيها كان لجميع قبائل حرب وقفه واحده ضد عسكر الشريف ومن والااهم وهزيمتهم النكراء 0
وايضا تصوير للحاله والوضع الاجتماعي والفقر والجهل الذي كان يسود في ذلك الوقت
اقول لك رايتك بيضا وكفيت ووفيت ونعم بك وبعسكر البارود 0
تحياتي للجميع 0

	المشاركة الأصلية كتبت بواسطة خالداللهيبي

	صح لسانك يافايز المحيسن وبيض الله وجهك على القصيده الرائعه التي تصور حدث عظيم في تاريخ قبيلة حرب وهو معركة (ريع الثنيه ) وفيها كان لجميع قبائل حرب وقفه واحده ضد عسكر الشريف ومن والااهم وهزيمتهم النكراء 0 وايضا تصوير للحاله والوضع الاجتماعي والفقر والجهل الذي كان يسود في ذلك الوقت اقول لك رايتك بيضا وكفيت ووفيت ونعم بك وبعسكر البارود 0 تحياتي للجميع 0

هلا وغلا اخوي الغالي خالد الهيبي

بدون ادنا شك ياولد العم ربعي حرب مواقفهم تشرف وراياتهم بيضا وتايخهم يشهد وحضرهم كذالك

وصح بدنك ياغالي مليووووووووووون

وشكرا على المرور الرائع والذوق

صح لسانك اخوي فايز المحيسن
وعلا شانك

قصيده راااقيه

تحياتي وتقديري لك

صح السانك اخوي فايز
تقبل مروري

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

اخي القديرفايزالمحيسن

صح السانك وبيض الله وجهك

تقبل تحياتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة