البيرق .. حرب ..

السلام عليكم ورحمه الله وبركاته
اليكم هذا اللحن بيني وبين الاخ القدير الشاعر حرب

البيرق المنصور=
سلام مثل الشهد واحلا = فالليله اللي صفاها زان
فيها علوم الوفا تجلا = من كان وسط البلد حزنان
حرب=
ترحيب عليه ماتعلا = كل التراحيب ياشيهان
وحنا لعذب المثل عجلا = الليله الليل ياربان
البيرق المنصور=
اللي بنا رحب وهلا = دايم لاهل الوفا عنوان
والاوله فاتت الاولى = من دون زايد ولانقصان
حرب=
مانزود في دقها وجلا = عليك يابادع القيفان
وانا تسمعت فالقولا = لكن بدالي بلا برهان
البيرق المنصور =
وش قلت في راعي الفعلا = اللي كسب بيرق ونيشان
واليوم يارد من النهلا = واخوه بين العرب ضميان
حرب=
العلم لاصار له اصلا = قلنا عطيه من الرحمن
لكن لاقوه ولا حولا= سبحان رب الملا سبحان
البيرق المنصور =
لعله الوضع يعتدلا = ويصبح على رجحه الميزان
ويرخص على شانه الاغلا = لو كان وسط البلد ماكان
حرب =
عساه مايحرم الوصلا= بعد الامل شرع البيبان
في ليلةٍ تجمع الشملا = ويبقى صداها مدى الازمان