السريحي والبشري

*****




******




*******
هذه المحاورة مع الأستاذ القدير الشاعر غازي السريحي الذي أتمنى له الصحة والعافية في لحن حي ومباشر في هذا الملتقى أثناء ماكانت تقام ألحان أسبوعية مباشرة بين الشعراء حيث أنه قد طلب أول لحن مباشر معي والتي أتمنى أن تعود لمافيها من التواصل والفوائد الشي الكثير لاأطيل عليكم إليكم

غازي السريحي=
سلام فـي أول المشـوار=مرسول مني على الشاشات
لكـل الاعضـاء والـزوار=في ملتقى حرب للكسـرات
سالم البشـري=
يامرحبا شـرّف البيطـار=اللي منه نكسب الخبـرات
اليوم دوناً عـن الشعـار=حظي رقى واعتلا الطالات
غازي السريحي=
دام البقا واسمع اللي صار=غديت في أسوأ الحـالات
بداخل القلب تصلـى نـار=والعين تذرف من العبرات
سالم البشـري=
مصغي لك السمع والأبصار=ياشاكي الهـم واللوعـات
وإن كان تبغى الكلام السّار=قلّي على مسبب الحرقـات
غازي السريحي=
رجلي غدت قصّها منشـار=بالأرض دفنت مع الأموات
صارت يميني بدون يسـار=ماعدت اقدر على الخطوات
سالم البشـري=
للمبتـلا تشفـع الأقـدار=واجره يناله من الأزمـات
خلّك لجور الزمـن صبّـار=وابقى مثل غالب الأوقـات
غازي السريحي=
الصبر وصّا بـه الجبـار=يفيـد ويدّخـل الجـنـات
ماعندكـم حـل للأمـرار=يحلّـي ايّامـي الجـيـّات
سالم البشـري=
مثلك لهم بالبنـان يشـار=مايرهق الفكر باللي فـات
يقطف لروحه من الأزهار=مايسلي أيامـه الصعبـات
سالم البشـري=
بوجودكم زانـت الأشعار=وعشنا معك أسعد اللحظات
والشكر ياعالـي المقـدار=من حرب والملتقى بالذات