هلاهلا ماخط حبرٍ بقرطاس

هلاهلا ماخط حبرٍ بقرطاس

هلاهلا ماخط حبرٍ بقرطاس = ومارف براّق الحيا في سحابه
بشعرٍ يسامرني على هجعة الناس = سلم وسلمني مفاتيح بابه
دق الضمير بمرهفاتٍ من الماس = يكتب على نبض المشاعر جوابه
ويلي على خلٍ خليلٍ على ساس = صاف الضمير اللي عزيزٍ جنابه
اقطع به الفرجة على كل نوماس = ليا من ردي العزم كشّر بنابه
ليا طال سجن اللي ورى سور الاقواس = وصار الفظا عندي دهاليز غابة
وقامت هواجيس الحشا تضرس أضراس = أضراس المحاور في محال اللهابة
دنّيت امعسوفٍ عليه الزمن داس = منقوش في صفحة جبينه عذابه
طقّيت فوقه لطمتي يمرس أمراس = أصم وأبكم ما نطق لي بجابة
يهوي أهواي مسندس الريش قرناس = حتى سواد الليل ولّت ركابه
والصبح أشم الورد مع كل نسناس = مع درب غيثٍ شق برقه ربابه
شيخٍ أتعزف له مزامير الاجراس = عليه من تاج الوقار المهابة
الذيب له وقفة ورمعة ومرماس = كم مرقبٍ صلف الذواري عوابه
له ماردٍ ما ياصله كل عساس = نبعٍ على ملسٍ عذيٍّ شرابه
والحر له في عالي الجو مجلاس = براس الطويل المعتلي من هضابه
بطراف قفرٍ خاليٍ ما به أوناس = يرفع منيفات الرواسي سرابه
كم من جريحٍ دم قلبه على الساس = يدفن بغابات الظماير صوابه
يضحك لو إن الحال يرعى بها اليأس = على الأمل وليأس تقطر حرابه
يخاف نمّامٍ مع الناس بلاّس = يرقب عيوبه راقب الله عيابه
كم مطلبٍ دونه بعيدات الارماس = يقتل مريض القلب في سم دابه
زودٍ مداه النقص يرجع للإفلاس = وقصرٍ بلا سكان يرجع خرابة
وحيٍّ وراه الموت قطاّع الأنفاس = أيحصد مشيبه ما زرع في شبابه

نافع الحربي

نافع الحربي

صح لسانك وبيض الله وجهك

قصيده رائعه جدا

دمت بخير ..ننتضر الجديد

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

نافع الحربي صح لسانك على القصيده الجزله والأبداع في طرح الفكره

الشاعر الكبير نافع الحربي مدرسه شعر منك نتعلم الكثير قمة الجزاله الله الله الله يبيض وجهك بالدنيا ولاخره

	المشاركة الأصلية كتبت بواسطة محمد صقر الحربي

	نافع الحربي صح لسانك وبيض الله وجهك قصيده رائعه جدا دمت بخير ..ننتضر الجديد

محمد صقر الحربي صح بدنك ووجهك ابيض
يشرفني مرورك لاهنت دمت بكل خير

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي صح بدنك ووجهك ابيض
يشرفني مرورك لاهنت دمت بكل خير

	المشاركة الأصلية كتبت بواسطة ســعود

	نافع الحربي صح لسانك على القصيده الجزله والأبداع في طرح الفكره

سعود صح بدنك ووجهك ابيض
يشرفني مرورك لاهنت دمت بكل خير

	المشاركة الأصلية كتبت بواسطة سعد المحمدي

	الشاعر الكبير نافع الحربي مدرسه شعر منك نتعلم الكثير قمة الجزاله الله الله الله يبيض وجهك بالدنيا ولاخره

سعد المحمدي صح بدنك ووجهك ابيض أشكرك جزيل
الشكر على هذه الدعوات الطيبة يشرفني مرورك لاهنت دمت بكل خير

صح لسانك يابو بدر
راااااااااائعة بكل ماتعنيه الكلمة من معنى