تمشيه صح مطلوبه

وسط البراري مشيت وجوها اعجبني = باتلى العقارب وماسومه وممطوره
ولقيت طير برفع الصوت جاوبني = بنت من الوضع مبسوطه ومسروره
ولقيت رجل بخفيه يهدم ويبني = ابو شنب بالصحاري عارف دوره
بغيت قربه وهدم البيت تعبني = له غرفة داخل البدروم مستوره
ولقيت رجل على رجليه وارعبني = ينفخ عليه قبيج اللون والصوره
رفع عصاه ووقف كنّه يطالبني = بلسانه اللي يمدّه تقل باكوره
ومن بعد هذالقيت اللي يناسبني = رجل يشيل التراب براسه وزوره
علامته جارته واللي مكذبني = ينشد عن امثال بالمذكور مذكوره
ولقيت رجل لياجيته يراقبني = يهز راسه بتعبيره عن اشعوره
كنه على وقفتي عنده يحاسبني = ويدير عين تقل حبة بنادوره
لاني بخافه ولا شكله مرغبني = خله يروقب بقشع البر وجحوره
ولقيت رجل صلح لي لكن اتعبني = عطل علي الوسيله من كبر جوره
ابغى ادّبه بالوسيله لكن ادّبني = قربه يونس ولو في قربه اخطوره
ولقيت بنت بها الخيال عا قبني = تلوح لي من بعيد وتقل مغروره
ولقيت رجل مخيش بايمن المبني = سموه باسم الثعل والخير في كوره
وقابلت رجل يسير بعنف وانشبني = لقيت اشدوقه بما يحييه محشوره
ولقيت رجل ماحب انه يقربني = وما قرّب الارض لاتامن من اشروره
ولقيت لي ماكرثم فرّهايبني = عطيت له ماكتب الله ثم دفن سوره
لكن خضر الروابي شوفها اطربني = والرجل في سجة للبر ماموره
يالله باسمك دعيتك لاتخيبني = تغيث دار شواها الوقت وادهوره

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يابو خالد الفريدي
لاهنت قصيده جزله ومميزه ولاهي
غريبه عليك لاعدمناك بيض الله وجهك

عقيد الخيل
مضحي بن جمران
تواجدكما اتشرف به ودافع لي للمشاركه اكثر
دمتما في خير وعافيه وشكري لكما

الله00000الله


ياسلالالام على الأبداع يابو خالد

صح لسانك ورفع الله قدر وشانك

دره ياراعي الدرر ماشاء الله تبارك الله


شاعر وقصيده كما عهدنا فوق الشهاده


لا عدمناك

بخيتان البشري
العنود
شكرا لكما على تشريفكما وتشرفكما بقراءة موضوعي

ابو خآلد..
يآآمبدع..
صح لسآنك..
وبيض الله وجهك..
قصيدهـ جزله من جزآلة كآتبهآ..
لك ودي وتقديري..
العبيدي..

صح لسانك
..
..
أسجل اعجابي بالقصيدة
..
ويعطيك العافيه ..

الشاعر / العبيدي اشكرك بارك الله فيك