حاولت ادور للخطايا معاذير0000

ماني معيّن خير !! تصبح على خير=للنـوم ، ماخلقـت عيـون الذيابـه
أشـوف بعيونـي غيـوم التعابيـر=،قامت تطشطش بالمعانـي سحابـه
صبّت ، وصبّت ، ثم هبّت أعاصير=ريـح الألمـهـز القلـم للكتـابـه
شيٍ يطير ، وشـي مـاوده يطيـر=صار الورق عقب السكينـه خرابـه
حاولت أرمي هالزعل ، وامتلا البير=وبعض الزعل أحيان مـا ينحكابـه
حاولـت أدور للخطايـا معـاذيـر=وكل مافتحت الجرح ... يكبر صوابه
لا منعميت .. وقلتهـا : دون تفكيـر=الكلمـه اللـي قلتهـا .... قلتهابـه
شخصٍ بعيني غير كل البشر غيـر=دون الصداقـه كـان دم وقـرابـه
ماعاد له حشمه ، وقيمـه ، وتقديـر=من يوم كثّ بوسـط عينـي ترابـه
شيصير يعني ؟؟ لو يقولون شيصير=ماهمنـي والله ( نـبـح الكـلابـه)
هي ثقّلت على النخل وقفة الطير ؟؟=نفس السؤال الصعب يمكـن جوابـه
شيبان يومٍ طش سيفه علـى الزيـر=بالسيف نفسه سالـم الزيـر جابـه
ماظن باقي عقـب هـذي تفاسيـر=يعني قرابـه ؟ " .... أم " القرابـه