من اصله فريدي فلا عاش مغمور 0

\
\
\
\
\
\
\
\
\
\
\
\
اخواني الكرام
هذه القصيده
ارسلتها
إلى الشاعر/
غازي ابز زوايد الفريدي
وانقلها لكم من منتدى شمل حرب
مع رد الشاعر
واتمنى ان تنال إعجابكم

سقم الهوى بالقلب كمّل له شهـور=صاحبك ياغـازي فقـد للسعـاده
وانته عزيز ٍ عند خالد ولك شـور=فالمنتـدى توكـل عليـك القيـاده
ربعك لهم تاريـخ بالعـز مذكـور=ماينكـره ياغيـر راعـي جحـاده
في بلدة الاسياح تشهـد لكـم دور=مدهـال للضيفـان فهـا ريــاده
من اصله فريدي فلا عاش مغمور =لن المعزه تحـت راسـه وسـاده
هرج الحقيقـه ماذكرنـاه بالـزور=يشهد عليه اللي سجد لـه عبـاده
لي وقت ياغازي من الوضع مقهور=والقلب يشكي من لهايـب وقـاده
طول الجفا بالجوف عقّب له حرور=ماكنـه الا كيـر راعـي حــداده
من واحد ٍ محبوس عني ورى سور=محروم من شوفـه ذبحنـي وداده
غلاه وسط القلـب لايمكـن يبـور=منساه لـو طّـول عليـه بعـاده
وجرح الهوى صعب ٍ يداويه دكتور=لو كان من لنـدن ينـال الشهـاده
وانا انتظر رايك وردك على الفـور=والشور من يمـك يزيـل النكـاده

الشاعر/ خالد بن عبيد بن معتوق ألأحمدي
واليكم رد الشاعر/
غازي ابو زوايد

حى الجواب اللى على النت منشـور=من خالد بن عبيـد والقـول أجـاده
من خالد بن عبيد بالطيب مشهـور=بـالـقـول ولا ماوصلـنـابـلاده
من راعى الفقره مجمـل ومذخـور=للوقـت لامنـه تـزايـد جـهـاده
من لابت ( ن ) ماتقبل الظلم والجور=بقيـادة اللـى يستحـق السـيـاده
ابن جزاء فعله هاك الوقت مسطـور=فى صفحة التاريـخ نـال الإشـاده
نشرت له البيضاء على جبال وقصور=والطيب مايشراء .. للأجـواد عـاده
هذا وانا ياطالـب الشـور مجبـور=أعطيـك شـورى والتصنـع نقـاده
لو أعتذر مانى مع النـاس معـذور=وخالد جهرنـى ماوصفلـى مـراده
لاثـر تقفيتـه ولاشفـت مظـهـور=الا ان عنـدى رأى منـه إستـفـاده
مانته على طرد المقفيـن مصخـور=تعـز نفسـك لـو توسـد كــداده
ولابدمايصبح مـع الوقـت لـك دور=والوقـت بعـد الحـر يأتـى بـراده
واقبل تحيات الوفى وأنـت مشكـور=والمـرء ماينـلام بعـد إجتـهـاده

وســــــــــــــــلامـــــــتـــــــكـــــ

صح لسانك صقر المراقيب

وصح لسان غازي الفريدي

دمتما بخير

صح لسانك وعلاء شانك ياصقر المراقيب وصح لسان الشاعر غازي ابو زوايد الفريدي

صح لسانك وعلاء شانك ياصقر المراقيب وصح لسان الشاعر غازي ابو زوايد الفريدي

صحــت السنتكــم
دمتم برعاية الله وحفظة

صحت السنتكم
والله يـعـطـيـكم الـعـافيـــــــــــة
بيض الله وجيهكم

مشكوووووووووووووووووور
اخي /سعد بن نفاع الجابري

مشكوووووووور
اخوي الغالي/مضحي بن جمران
شرفني مرورك يابو احمد

حمد فهيد الحربي
صح بدنك
وشرفني ورورك
ياغالي

فهد الغانمي
الف شكر لك